ვენეციის კომისიის წევრებმა და ეუთოს ექსპერტებმა "ნაციონალურ მოძრაობასთან" შეხვედრა გამართეს. როგორც პარტიაში აცხადებენ ქვეყანაში არსებობს კონსენსუსი იმასთან დაკავშირებით, რომ არჩევნები 2016 წელს სამხარეო-პროპორციული სისტემით ჩატარდეს.

საუბრის ძირითადი თემა საარჩევნო კანონმდებლობაა, რაზეც დასკვნა მომზადდება. როგორც "ნაციონალური მოძრაობის" წევრებმა განმარტეს, ამ კონსენსუსს არღვევს მხოლოდ მმართველი კოალიცია, "ქართული ოცნება".

„მმართველ კოალიციას უნდა, რომ თავის თავზე მოირგოს საარჩევნო სისტემა და ახლა საარჩევნო ოლქების გაუგონარი ჭრა-კერვა მიმდინარეობს, იმისათვის, რომ არჩევნებში თავისთვის გამარჯვება უზრუნველყონ, მაშინ, როდესაც ლეგიტიმაცია და ხალხის მხარდაჭერა დაკარგული აქვთ. ვენეციის კომისიას გამოთქმული აქვს შეშფოთება ამ საკითხზე, ჩვენ დოკუმენტირებულ მასალას მივაწვდით, თუ რა არასწორად იქცევა "ქართული ოცნება" ”, - აცხადებს "ნაციონალური მოძრაობის" წევრი, ზურაბ ჭიაბერაშვილი.

პარტიის კიდევ ერთმა წევრმა, ხათუნა გიოგორიშვილმა განაცხადა, რომ კომისიას პარტიული ნიშნით დანიშნულთა შესახებ დოკუმენტირებულ მასალას, აუცილებლად მიაწვდიან.

“ძალიან მნიშვნელოვანია, როდესაც საქმე შეეხება არჩევნების დღის საჩივრების განხილვას, სააოლქო კომისიების მიუკერძოებლობას, ვისაუბრეთ იმ თემაზე და იმ ინფორმაციაზე, რომელიც ჩვენ გვაქვს ხელთ, იმ პარტიული დანიშნულების შესახებ, რომელიც მოხდა 4 თებერვალს ცენტრალური საარჩევნო კომისიის სხდომაზე, სადაც ჩვენ რა ინფორმაციაც გავქვს, 74 წევრი 127-დან არის პარტიული ნიშნით დანიშნული", - განაცხადა ხათუნა გიოგორიშვილმა. მათი თქმით, მთავარი პრობლემა მარტო ის არ არის, რომ ხელისუფლებამ ოპოზიციის წინადადებები არ გაითვალისწინა, არამედ ვენეციის კომისიაში ეს ცვლილებები გადაიგზავნა მას შემდეგ, რაც ეს ცვლილებები რეალურად განხორციელებულია.

ვენეციის კომისიის წევრები "თავისუფალ დემოკრატებსაც" შეხვდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს