საქართველოს ეროვნული უშიშროების საბჭოს მდივანი ირინე იმერლიშვილი ამერიკის შეერთებული შტატების დემოკრატიის ეროვნული ფონდის ხელმძღავნელს ბარი ჯექსონს და რესპუბლიკური ინსტიტუტის საქართველოს წამომადგენლობის დირექტორს ანდრეა კირბსს შეხვდა.

უშიშროების საბჭოს აპარატის ინფორმაციით, ირინე იმერლიშვილმა სტუმრებს ქვეყნის შიდა პოლიტიკური ვითარება, ქვეყანაში მიმდინარე რეფორმები და რეგიონში არსებული ვითარება გააცნო. საუბარი შეეხო მოახლოებული საპარლამენტო არჩევნების წინ არსებულ გარემოსა და საარჩევნო კანონმდებლობასთან დაკავშირებულ საკითხებს, მათ შორის საქართველოს პრეზიდენტის როლს არჩევნების თავისუფალ, გამჭვირვალე და დემოკრატიულ გარემოში ჩატარების უზრუნველყოფის თვალსაზრისით.

ქვეყნის საგარეო პოლიტიკის განხილვისას, ძირითადი ყურადღება საქართველო-აშშ-ის პარტნიორობის გაღრმავების პერსპექტივებს, საქართველოს ევროატლანტიკურ სტრუქტურებში ინტეგრაციის პროცესსა და მიმდინარე წლის ივლისში დაგეგმილ ნატო-ს ვარშავის სამიტისთვის მზადებას დაეთმო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს