ამერიკელი სენატორი ჯორჯიის შტატიდან საქართველოსთან აშშ-ის კიდევ უფრო აქტიურ თანამშრომლობას უჭერს მხარს. ამის შესახებ სენატის რესპუბლიკური პარტიის წევრმა დევიდ ფერდიუმ საქართველოს თავდაცვის მინისტრთან თინათინ ხიდაშელთან გამართულ შეხვედრაზე განაცხადა.

თავდაცვის სამინისტროს ინფორმაციით, ამერიკელმა სენატორმა კიდევ ერთხელ დაადასტურა საქართველოს ტერიტორიული მთლიანობის, სუვერენიტეტისა და ევროატლანტიკური ინტეგრაციის მიმართ მტკიცე მხარდაჭერა. როგორც დევიდ ფერდიუმ აღნიშნა, საქართველო აშშ-ის მნიშვნელოვანი სტრატეგიული პარტნიორია. მან კიდევ ერთხელ გამოთქვა მზადყოფნა საქართველოს ტერიტორიული მთლიანობისა და ნატოში ინტეგრაციის მხარდამჭერი საკანონმდებლო აქტების ინიცირებისა და კონგრესში მხარდაჭერასთან დაკავშირებით.

შეხვედრაზე მხარეებმა საქართველოს შეიარაღებულ ძალებსა და ჯორჯიის შტატის ეროვნულ გვარდიას შორის არსებული თანამშრომლობის საკითხები და ურთიერთობის სამომავლო გეგმებიც განიხილეს.

თინათინ ხიდაშელი ამერიკელ სენატორს მიუნხენში, რიგით 52-ე უსაფრთხოების კონფერენციის ფარგლებში შეხვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს