„მაღალი რანგის ტრიბუნალი თუ იტყვის, რომ საქართველოში 2008 წლის აგვისტოში ეთნიკური წმენდა მოხდა, ეს მხოლოდდამხოლოდ სასარგებლო იქნება ყველაფრისთვის“, - ამის შესახებ საქართველოს თავდაცვის მინისტრმა, თინა ხიდაშელმა საერთაშორისო სისხლის სამართლის სასამართლოს პროკურორთან შეხვედრის დასრულებისას განაცხადა.

მიუნხენში გამართულ შეხვედრაზე ქართულმა დელეგაციამ ფატუ ბენსუდას, თანამშრომლობაზე მზადყოფნა დაუდასტურა.

თინა ხიდაშელმა, ჰააგის სასამართლოს გადაწყვეტილების მნიშვნელობაზე ისაუბრა და განმარტა, რომ ჰააგის სასამართლოს გადაწყვეტილება 2008 წლის ომზე კონფლიქტის დარეგულირებასაც შეუწყობს ხელს.

„ერთხელ და სამუდამოდ ასეთი მაღალი რანგის ტრიბუნალი თუ იტყვის, რომ საქართველოში 2008 წლის აგვისტოში ეთნიკური წმენდა მოხდა, რაც სრულიად ნათელია და ხელისგულზე დევს, ეს ყველაფრისთვის, მათ შორის კონფლიქტის მოგვარებისთვისაც მხოლოდდამხოლოდ სასარგებლო იქნება“, - განაცხადა თინა ხიდაშელმა.

შეგახსენებთ, რომ საერთაშორისო სისხლის სამართლის სასამართლოს პროკურორთან შეხვედრას საქართველოს პრემიერ-მინისტრი, გიორგი კვირიკაშვილი და საგარეო საქმეთა მინისტრი, მიხეილ ჯანელიძეც ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს