უკრაინის შეიარაღებული ძალების საჰაერო თავდაცვის ძალებმა რუსეთის მიერ გაშვებული 18-ვე რაკეტა ჩამოაგდეს,- აღნიშნულის შესახებ უკრაინის შეიარაღებული ძალების მთავარსარდალი ვალერი ზალუჟნი Telegram-ზე წერს. 

ზალუჟნის თქმით, ჩამოგდებული 18 რაკეტიდან, 6 "კინჟალის" აერობალისტიკური რაკეტა, 9 კალიბრის ფრთოსანი რაკეტა და 3 სახმელეთო რაკეტა (S-400, Iskander-M) იყო.

"უკრაინის შეიარაღებულ ძალებში აცხადებენ, რომ 16 მაისის ღამეს, რუსებმა უკრაინას შეუტიეს სხვადასხვა ტიპის 18 რაკეტითა და "შაჰიდის" დრონებით. უწყების ცნობით, ყველა რაკეტა უკრაინის დამცველებმა ჩამოაგდეს.

"16 მაისს, დაახლოებით, 03:30 საათზე რუსმა დამპყრობლებმა უკრაინას ჩრდილოეთ, სამხრეთ და აღმოსავლეთის მიმართულებებიდან შეუტიეს სხვადასხვა ტიპის 18 რაკეტით, საჰაერო, საზღვაო და სახმელეთო.

ექვსმა MiG-31K -ის თვითმფრინავმა გაისროლა ექვსი "კინჟალის" აერობალისტიკური რაკეტა, ცხრა კალიბრის ფრთოსანი რაკეტა შავი ზღვის გემებიდან და სამი სახმელეთო რაკეტა (S-400, Iskander-M).

18-ვე რაკეტა განადგურდა უკრაინის შეიარაღებული ძალების საჰაერო თავდაცვის ძალებისა და საშუალებების მიერ",- წერს ზალუჟნი.

მისივე თქმით, გასულ ღამეს ოკუპანტებმა უკრაინას "შაჰიდ" 136/131 ტიპის დრონებით შეუტიეს და ჩაატარეს დაზვერვა 3 უპილოტო აპარატით. 

შეგახსენებთ, რომ რუსმა ოკუპანტებმა გასულ ღამეს უკრაინის დედაქალაქ კიევზე სარაკეტო იერიში მიიტეს. რაკეტის ნამსხვრევების ჩამოვარდნის შედეგად დაზიანდა შენობა და რამდენიმე მანქანას ცეცხლი გაუჩნდა. დაშავდა სულ მცირე 3 ადამიანი.

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს