რუსეთის თავდაცვის სამინისტრომ აღიარა უკანდახევა პოზიციებიდან ბახმუტის ჩრდილოეთით, უკრაინის დონეცკის ოლქის ქალაქიდან, რომელიც გასული ზაფხულიდან არის მძიმე ბრძოლების ადგილი უკრაინის არმიას, რომელიც იცავს მას და რუსეთის ძალებს შორის.

12 მაისს გამართულ ბრიფინგზე დეპარტამენტის წარმომადგენელმა, იგორ კონაშენკოვმა თქვა, რომ რუსეთის არმიამ „ახალი საზღვარი დაიკავა“ ბერხოვსკის წყალსაცავთან „მისი ხელსაყრელი პირობების გათვალისწინებით“ .

სინამდვილეში, ეს ნიშნავს უკან დახევას ბოგდანოვკას მხარეში. ამის და უკრაინის შეიარაღებული ძალების გარღვევის შესახებ მანამდე ვაგნერის  ხელმძღვანელმა ევგენი პრიგოჟინმა, დაადასტურა. 

რუსი სამხედროების უკანდახევა უკრაინულ ჯარებს საშუალებას აძლევს გააკონტროლონ გზა ჩასოვ იარში, ერთადერთი, რომელიც ამჟამად ამარაგებს უკრაინულ ძალებს ბახმუტში. პრიგოჟინმა თქვა, რომ მომავალში ამან შეიძლება გამოიწვიოს მისი დაქირავებული მებრძოლების ალყა თავად ქალაქში. რუსეთის ჯარს ამ ცნობებზე კომენტარი არ გაუკეთებია.

12 მაისს გამართულ ბრიფინგზე რუსეთის არმიის წარმომადგენელმა განაცხადა, რომ უკრაინული ჯარები წინა დღით წინ მიიწევდნენ  სოლედარის მიმართულებით  "მთელი კონტაქტის ხაზის გასწვრივ", რომლის სიგრძე 95 კილომეტრზე მეტია. კონაშენკოვის თქმით, თავდასხმაში მონაწილეობა მიიღო ათასზე მეტმა სამხედრომ  და 40-მდე ტანკმა.

ერთი დღით ადრე რუსულმა წყაროებმა განაცხადეს, რომ უკრაინის შეიარაღებულმა ძალებმა სრულმასშტაბიანი შეტევა წამოიწყეს, მოგვიანებით ეს ინფორმაცია რუსეთის ტავდაცვის სამინისტრომ უარყო. უკრაინის სარდლობა მათზე კომენტარს არ აკეთებს.

12 მაისს პრეზიდენტმა ვოლოდიმირ ზელენსკიმ თქვა, რომ სამხედროებმა მოახერხეს რუსული ძალების შეჩერება და ზოგიერთ რაიონში „მათი უკან დაბრუნებაც კი“.

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს