რუსეთის ფედერაციის თავდაცვის სამინისტრო უკრაინის მიერ კონტრიერიშის დაწყებასა და ფრონტის ხაზზე თავდაცვის გარღვევასთან დაკავშირებით რუსულ მედიაში გავრცელებულ ინფორმაციას უარყოფს.

ამის შესახებ BBC უწყების მიერ გავრცელებულ განცხადებაზე დაყრდნობით წერს.

"ცალკეული "ტელეგრამ-არხებით" გავრცელებული განცხადებები საკონტაქტო ხაზის სხვადასხვა ნაწილში თავდაცვის გარღვევის შესახებ არ შეესაბამება რეალობას“,- ნათქვამია თავდაცვის სამინისტროს განცხადებაში.

რაც შეეხება ბახმუტში არსებულ ვითარებას, უწყება განცხადებაში უთითებს, რომ ქალაქის მიმართულებით უკრაინელების 8 შეტევა მოიგერიეს.

"საიერიშო რაზმები ავიაციისა და არტილერიის მხარდაჭერით აგრძელებენ არტემოვსკის დასავლეთ ნაწილის (როგორც რუსეთის ხელისუფლება უწოდებს ბახმუტს - რედ.) გათავისუფლებას",- აცხადებენ რუსეთის ფედერაციის თავდაცვის სამინისტროში.

ცნობისთვის, უკრაინის შეიარაღებული ძალების მიერ კონტრშეტევის დაწყების შესახებ ინფორმაცია რუსულმა მედიამ გუშინ, 11 მაისს გაავრცელა.

უკრაინის მიერ ბახმუტთან თავდაცვის ზღუდის გაარღვევის შესახებ კერძო სამხედრო დაჯგუფება "ვაგნერის" ხელმძღვანელი ევგენი პრიგოჟინიც საუბრობდა.

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს