დღეს რომ გაფრინდეს ადამიანი, მის QR კოდს ევროპული სკანერი 49-ვე ქვეყანაში წაიკითხავს, თუმცა გამგზავრებამდე იმ ქვეყნის პროტოკოლის და პოლიტიკის გადამოწმებაა საჭირო, სადაც მიემგზავრება- ამის შესახებ უწყებათაშორისი საკოორდინაციო საბჭოს ოპერაციული შტაბის უფროსმა, გორგი ღიბრაძემ განაცხადა.

მისი თქმით, ქვეყნები სხვადასხვა მწარმოებლის მიერ გამოშვებულ ვაქცინაზე განსხვავებულ პოლიტიკას და პროტოკოლს იყენებენ და ამის შესახებ ამომწურავი ინფორმაცია საგარეო საქმეთა სამინისტროს ვებ გვერდზეა განთავსებული.

„ჩვენ შევუერთდით COVID ციფრული სერტიფიკატების ერთიან სივრცეს, რომელშიც ამ დროისთვის გაერთიანებულია 49 ქვეყანა- ევროკავშირის წევრი 27 და არაწევრი 22 ქვეყანა,  შესაბამისად, ჩვენთან გაცემული სერტიფიკატი უკვე ვალიდურია ერთიან სივრცეში და საქართველოს მოქალაქეები სრულფასოვნად ისარგებლებენ COVID სერტიფიკატით, რაც ნიშნავს იმას, რომ ჩვენს COVID სერტიფიკატებზე დატანილი QR კოდი უკვე ინტეგრირებულია ერთიან სისტემაში და ნებისმიერ ქვეყანაში, სადაც ამ QR კოდს ამოწმებენ, ჩვენი QR კოდი ელექტრონულად გადამოწმდება. შეზღუდვები კი, რომელიც ჩვენი ქვეყნის მოქალაქეებს აქამდე ჰქონდათ, ავტომატურად მოეხსნებათ. დღეს რომ გაფრინდეს ადამიანი, მის QR კოდს ევროპული სკანერი წაიკითხავს 49-ვე ქვეყანაში, ოღონდ აქ არის ერთი წინაპირობა, რომელიც ძალიან მნიშვნელოვანია და აუცილებლად უნდა გავითვალისწინოთ. მოგეხსენებათ, სხვადასხვა ქვეყანა სხვადასხვა პოლიტიკას და პროტოკოლს იყენებს სხვადასხვა მწარმოებლის მიერ გამოშვებულ ვაქცინაზე და გამგზავრებამდე ძალიან მნიშვნელოვანია, თითოეულმა ჩვენთაგანმა გადავამოწმოთ იმ ქვეყნის პროტოკოლი და პოლიტიკა, სადაც მივემგზავრებით იმიტომ, რომ ზოგიერთ ქვეყანაში შესაძლებელია აღიარებული იყოს ერთი ვაქცინა, ზოგიერთ ქვეყანაში მეორე, შესაბამისად, იმ მდგომარეობიდან გამომდინარე, რაც ჩვენ გვაქვს ინდივიდუალურად, ანუ რომელი ვაქცინით ვართ აცრილი, ის პროტოკოლი და პოლიტიკა უნდა გადავამოწმოთ აუცილებლად. ამის შესახებ ამომწურავი ინფორმაცია საგარეო საქმეთა სამინისტროს ვებ-გვერდზეა განთავსებული",- განაცხადა გიორგი ღიბრაძემ.

ავტორი: NS (სტატია დაფინანსებულია),

სოციალური ქსელები

პაპუაშვილი კოსს - ჯობია იყო ფურცელზე კანდიდატი ქვეყანა, ვიდრე ფურცელზე სახელმწიფო

კობახიძე- უმნიშვნელოვანესი საინვესტიციო პროექტი არის იგლ ჰილსის პროექტი, უკვე მომავალ წელს ეტაპობრივად დაიწყება სამშენებლო სამუშაოები

შეერთებულმა შტატებმა ოფიციალურად მოითხოვა, რომ რუსეთმა შავი ჭირის კვლევის ცენტრის თანამშრომლის გარდაცვალების დეტალები მიაწოდოს

ირაკლი კობახიძე -ჩვენი გეგმის მიხედვით, პირველი გემები ანაკლიაში 2029 წელს უნდა შემოვიდეს