„ევროპული საქართველოს" ერთ-ერთი ლიდერის, გიგა ბოკერიას განცხადებით, ჩნდებოდა შთაბეჭდილება, რომ „ნაციონალური მოძრაობის“ მხრიდან ერთიან კანდიდატებთან დაკავშირებული მიდგომის გადახედვას აქვს ადგილი.

ბოკერიამ გამოთქვა იმედი, რომ ეს არ არის მომზადება შეთანხმების ჩაშლისთვის.

„დრო აღარ არის ბევრი, მნიშვნელოვანია, რომ ეს შეთანხმება თბილისში მოხდეს მალე და საზოგადოებას გაეცნოს შედეგები. იქნება სრული უპასუხისმგებლობა, თუ რომელიმე ოპოზიციური პარტია, რაიმე მოტივით, ვგულისხმობ იმ პატიებს, რომლებიც ამ მოლაპარაკებებში იყო თავიდანვე ჩართული, მოგეხსენებათ „ლელო“ თავიდანვე სკეპტიკური იყო, მსხვილი ოპოზიციური პარტიები, ვისზეც „ევროპული საქართველოთი“ არის დამოკიდებული ის, რომ შევამციროთ რისკები და პირველივე ტურში მკაფიო იყოს ივანიშვილის რეჟიმის დამარცხება მშვიდობიან არჩევნებში, უნდა დარჩნენ შეთანხმების ერთგულნი. ჩვენ მოვისმინეთ, „ნაციონალური მოძრაობის“ რამდენიმე განცხადება, რომლიდანაც რჩებოდა შთაბეჭდილება, რომ გადახედვას აქვს ადგილი ამ მიდგომის, საუბარი მეორე ტურებზე, საუბარი იმაზე, რომ ვიღაცამ თუ არ მიიღო მონაწილეობა, მაშინ აზრი არ აქვს - იმედი მაქვს, რომ ეს განცხადებები დარჩება უსარგებლო განცხადებებად და ეს არ არის მომზადება, შეთანხმების ჩაშლისთვის, ამის დიდი იმედი მაქვს. ეს რეჟიმი უნდა დამარცხდეს მშვიდობიანად არჩევნებში“, - განაცხადა გიგა ბოკერიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს