იმისთვის, რომ ჩვენი მხრიდან საკონსტიტუციო ცვლილებების მხარდაჭერა მოხდეს აუცილებელია 8 მარტის შეთანხმების შესრულება, - ამის შესახებ „ევროპული საქართველოს“ ერთ-ერთმა წევრმა სერგი კაპანაძემ განაცხადა.

მისი თქმით, იმისთვის, რომ საკონსტიტუციო ცვლილებებს მხარი დაუჭირონ, აუცილებელია გიორგი რურუას გათავისუფლება.

„ევროპული საქართველო“ დაინტერესებულია, რომ 120/30-ზე საკონსტიტუციო ცვლილებები იყოს მიღებული. შესაბამისად, ჩვენ ყველა პროცედურაში მივიღეთ მონაწილეობა, მაგრამ იმისთვის, რომ ჩვენი მხრიდან საკონსტიტუციო ცვლილებების მხარდაჭერა მოხდეს აუცილებელია 8 მარტის შეთანხმების შესრულება.

ახლა მნიშვნელოვანი საკითხია, რომ რურუა გათავისუფლდეს და 8 მარტის შეთანხმების პოლიტიკური პატიმრების ნაწილი ბოლომდე იქნეს მიყვანილი“, - განაცხადა სერგი კაპანაძემ.

შეგახსენებთ, რომ საკონსტიტუციო ცვლილებების საჯარო განხილვა ხვალ დისტანციურად გაიმართება. ოპოზიცია კვლავ მიიჩნევს, რომ 8 მარტის შეთანხმების თანახმად, „მთავარი არხის“ მეწილე, გიორგი რურუა უნდა გათავისუფლდეს და კანონპროექტს მხოლოდ ამის შემდეგ დაუჭერენ მხარს.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს