გარემოს დაცვისა და სოფლის მეურნეობის მინისტრის მოდგილე, ნინო თანდილაშვილი ფართომასშტაბიანი პროგრამის „კლიმატის ცვლილებით გამოწვეული კატასტროფების რისკის შემცირება საქართველოში” ფარგლებში გამართულ სამუშაო შეხვედრას დაესწრო.

70 მილიონი აშშ დოლარის ღირებულების ფართომასშტაბიანი პროგრამის მიზანია კლიმატური კატასტროფებისადმი ადაპტაციის ეროვნული მექანიზმის შემუშავება.

შეხვედრაზე მხარეებმა მრავალმხრივი საფრთხეების ადრეული გაფრთხილების სისტემის ერთ-ერთი მნიშვნელოვანი კომპონენტი, ქვეყნის ჰიდრომეტეოროლოგიური სისტემის გაუმჯობესებისა და სადამკვირვებლო სისტემის შეძენა-მოდერნიზების საკითხები განიხილეს.

„პროგრამა საქართველოს მთელს ტერიტორიაზე ადრეული გაფრთხილების სისტემების შექმნას გულისხმობს, რაც მრავალმხრივი სტიქიების პრევენციაში დაგვეხმარება. პროექტის განხორციელება გასულ წელს დავიწყეთ და წარამატებით მიმდინარეობს. პოზიტიური შედეგისთვის, მნიშვნელოვანია მსოფლიო ბანკიდან და გაეროს მსოფლიო მეტეოროლოგიის ორგანიზაციიდან მოწვეული ექსპერტების გამოცდილების გაზიარება. ინფრასტრუქტურა, რასაც განვავითარებთ, ჩვენი ქვეყნის რეალობაზე იყოს მორგებული“, - განაცხადა ნინო თანდილაშვილმა.

პროგრამა საქართველოს მთავრობის, გაეროს განვითარების პროგრამის (UNDP), მსოფლიო ბანკის (WB), კლიმატის მწვანე ფონდის (GCF) და შვეიცარიისა და შვედეთის მთავრობების ხელშეწყობით ხორციელდება.

შეხვედრას საქართველოს მთავრობის, საერთაშორისო ორგანიზაციების და პროექტის ფარგლებში მოწვეული ბრიტანელი, თურქი და სერბი ექსპერტები ესწრებოდნენ.

ავტორი: NS (სტატია დაფინანსებულია),

სოციალური ქსელები

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა

თანამდებობის პირებმა 8 თვეში 24 მილიონი ლარის საჩუქრები მიიღეს – TI

N1 ქსელი სამოგზაუროდ - "სელფის" როუმინგის კამპანია -ვიდეო