დოდო გუგეშაშვილის დაჭრასა და მისი შვილის მკვლელობისთვის დაკავებულს ბრალი ოფიციალურად წაუყენეს

2020-01-25 18:02:09, 3164 ნახვა

სამართალი

დოდო გუგეშაშვილის დაჭრისა და მისი შვილის, ნოდარ გუგეშაშვილის მკვლელობის საქმეში ბრალდებულ ზაზა მურჯიკნელს ბრალი ოფიციალურად წაუყენეს.

მურჯიკნელს ბრალი სსკ-ს 109-ე მუხლის პირველი და მესამე ნაწილით (განზრახ მკვლელობა დანაშულის დაფარვისთვის, ორი ან მეტი პირის მიმართ განზრახ მკვლელობის მცდელობა) და 236-ე მუხლის მეორე და მესამე ნაწლით (ცეცხლსასროლი იარაღის მართლსაწინააღმდეგო შეძენა-შენახვა) წარედგინა.

როგორც დაკავებულის ადვოკატმა, გოგა ბოგვერაძემ ჟურნალისტებს განუცხადა მისი დაცვის ქვეშ მყოფი არც ერთ ბრალდებულებას არ აღიარებს და აღნიშნულ საქმესთან შემხებლობას უარყოფს.

შსს-მ დოდო გუგეშაშვილის მკვლელობის მცდელობისა და მისი შვილის მკვლელობაში ბრალდებული გუშინ დააკავა. გუგეშაშვილის ოჯახზე შეიარაღებული თავდასხმა 2018 წლის 7 თებერვალს, დიღომში, მის საცხოვრებელ სახლში მოხდა. თავდასხმის შედეგად თავად დოდო გუგეშაშვილი დაიჭრა, მისი 33 წლის ვაჟი ნოდარ გუგეშაშვილი კი, ადგილზე გარდაიცვალა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან