2020-01-14 12:47:49, 1502 ნახვა
სამართალი
კლუბ „ბასიანთან“ სამი პირის დაჭრაში ბრალდებულს პატიმრობა შეეფარდა
თბილისში, კლუბ „ბასიანთან“ სროლაში ბრალდებულ ბიძინა ჩაჩხიანს, საქალაქო სასამართლომ აღკვეთის ღონისძიების სახით წინასწარი 2 თვიანი პატიმრობა შეუფარდა.
საქალაქო სასამართლოში ბიძინა ჩაჩხიანის პროცესი ახლახან დასრულდა.
დაცვის მხარემ პროცესზე აღკვეთის ღონიძიებად 5000 ლარიანი გირაო მოითხოვა, თუმცა მოსამართლემ არ გაითვალისწინა შუამდგომლობა. ადვოკატის განცხადებით, დაკავებული წარდგენილ ბრალს არ აღიარებს.
შსს-ს ინფორმაციით, ბიძინა ჩაჩხიანმა 12 იანვარს კლუბ „ბასიანის“ შესასვლელთან ცეცხლსასროლი იარაღიდან 15-ჯერ გაისროლა, სამი ადამიანი დაჭრა და ადგილიდან მიიმალა. სამართალდამცველებმა ბიძინა ჩაჩხიანი ცხელ კვალზე სახლთან დააკავეს.
ავტორი: ექსპრესნიუსი,
epn.ge (@expressnews.ge)
