2019-12-28 11:55:07, 9072 ნახვა
სამართალი
ვაჟა გაფრინდაშვილი უკანონო პატიმრობიდან გათავისუფლდა
ოკუპანტების მიერ უკანონოდ დაკავებული ექიმი ვაჟა გაფრინდაშვილი პატიმრობიდან გათავისუფლდა.
ინფორმაციას სახელმწიფო უსაფრთხოების სამსახური ავრცელებს.
"საოკუპაციო ძალების მიერ 9 ნოემბერს დაკავებული ექიმი ვაჟა გაფრინდაშვილი გათავისუფლებულია. ამჟამად იგი საქართველოს ცენტრალური ხელისუფლების მიერ კონტროლირებად ტერიტორიაზე იმყოფება", - ნათქვამია სუს-ის განცხადებაში.
შეგახსენებთ, საოკუპაციო რეჟიმმა ვაჟა გაფრინდაშვილი 9 ნოემბერს დააკავა. ოკუპანტები ექიმს ე.წ საზღვრის უკანონო კვეთას ედავებოდნენ, თუმცა გაფრინდაშვილი წარდგენილ ბრალს არ აღიარებდა. 20 დეკემბერს ცხინვალის საოკუპაციო რეჟიმმა ვაჟა გაფრინდაშვილს 1 წლითა და 9 თვით პატიმრობა შეუფარდა.
ავტორი: ექსპრესნიუსი,
epn.ge (@expressnews.ge)
