2019-12-15 22:37:54, 2166 ნახვა
სამართალი
ნინო ცაციაშვილი - არც პირველ დღეს და არც მეორე დღეს არასრულწლოვნის მიერ აღიარებითი ჩვენება არ ყოფილა დაფიქსირებული
"მწვანე სკოლაში" მომხდარ ფაქტთან დაკავშირებით არასრულწლოვნის გამოკითხვის შესახებ შინაგან საქმეთა მინისტრის მოადგილე ნინო ცაციაშვილმა განმარტებები გააკეთა და ბრიფინგის დასრულების შემდეგ მედიის წარმომადგენლების შეკითხვებს უპასუხა.
ნინო ცაციაშვილმა არასრულწლოვნის მიერ, სავარაუდო ზეწოლის შედეგად აღიარების ფაქტზე დასმულ კითხვასთან დაკავშირებით განაცხადა: „აღიარებასთან დაკავშირებით, მინდა მოგახსენოთ, არც პირველ დღეს და არც მეორე დღეს მის მიერ აღიარებითი ჩვენება არ ყოფილა დაფიქსირებული და საზოგადოებაში ვრცელდება მხოლოდ ცრუ ინფორმაცია, იმასთან დაკავშირებით რომ მხოლოდ ზეწოლის შედეგად იქნა მიღებული აღიარებითი ინფორმაცია,“ - აღნიშნა ნინო ცაციაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
