დედაქალაქის მერი კახა კალაძე მერის მოადგილე ირაკლი ბენდელიანთან ერთად, გვიან ღამით ჭავჭავაძის გამზირზე იმყოფებოდა, სადაც თაქთაქიშვილის ქუჩიდან უნივერსიტეტის პირველ კორპუსამდე გზის გამყოფი ხაზების, საგზაო მონიშვნებისა და ქვეითთა გადასასვლელების დახაზვის სამუშაოები დაიწყო, ასევე, მოირეცხა ტროტუარები. სამუშაოებს "თბილსერვის ჯგუფი" აწარმოებს.

თბილისის მერის განცხადებით, 8 დეკემბრიდან 8 იანვრამდე ჭავჭავაძის გამზირის რეაბილიტაციის პროცესი დროებით შეჩერდება და ტრანსპორტის მოძრაობა ორმხრივად აღდგება. 8 იანვრიდან კი საგზაო სამუშაოები ვაკის პარკამდე გაგრძელდება.

„ჭავჭავაძის გამზირზე ამჟამად ტროტუარების დასუფთავება მიმდინარეობს, რომლებიც ახალი ფილებით არის მოპირკეთებული. რაც შეხება საგზაო ინფრასტრუქტურას, დარჩენილი მონაკვეთის მოასფალტება ხვალ დილით დაიწყება და დღის ბოლომდე დასრულდება. 8 დეკემბერს ეს მონაკვეთიც დაიხაზება და ჭავჭავაძის გამზირზე გზა გაიხსნება. დაგეგმილი საგზაო სამუშაოები 8 იანვრამდე შეჩერდება. შუქნიშნები დაიდგმება და მოძრაობა აღდგება ისე, როგორც ეს გამზირის რეაბილიტაციამდე იყო. ჩვენ გავაგრძელებთ ტოტუარების მოწესრიგებას და გამწვანების სამუშაოებს. საგზაო სამუშოები კი 8 იანვრიდან განახლდება და ვაკის პარკამდე გაგრძელდება“, - განაცხადა კახა კალაძემ.

მისივე თქმით, გამზირზე საგზაო სამუშოების დროებით შეჩერების გადაწყვეტილება ახალი წლის პერიოდის გამო მიიღეს, რადგან ამ პერიოდში ქალაქში ავტომანქანების მოძრაობა გადატვირთულია.

ადგილზე თბილისის მერთან ერთად „თბილსერვის ჯგუფის“ ხელმძღვანელი რომეო მიქაუტაძე და ვაკის რაიონის გამგებელი ნოდარ ტურძელაძე იმყოფებოდნენ.



 

ავტორი: NS (სტატია დაფინანსებულია),

სოციალური ქსელები

მიხეილ სააკაშვილი - უკაცრავად და, ვის მიერ ჩადენილ დანაშაულს აღიარებთ, როგორც ფაქტს

40-მდე ქვეყანამ და საქართველომ ევროპული უსაფრთხოების დეკლარაციას მოაწერეს ხელი

ფარულავა – საკონსტიტუციო სასამართლოში რასაც ვუყურებთ ვერანაირ სტანდარტში ვერ ჯდება,

აბუ-დაბის სასამართლომ უსმან ნურმაგომედოვსა და მისი გუნდის წევრებს 6-თვიანი პატიმრობა, 300 000 დირჰამის ოდენობის ჯარიმა და დეპორტაცია მიუსაჯა