თბილისის მერი კახა კალაძე, რეგიონული განვითარებისა და ინფრასტრუქტურის მინისტრ მაია ცქიტიშვილთან ერთად, ბავშვთა ქალაქ „მზიურში“ მიმდინარე სარეაბილიტაციო სამუშაოებს გაეცნო.

პროექტი ჭაბუა ამირეჯიბის გზატკეცილის მიმდებარედ, 13 ივნისის წყალდიდობის შედეგად დაზიანებული გამწვანებისა და „მზიურის“  სრულად აღდგენა-მოწყობას ითვალისწინებს.

თბილისის მერის განცხადებით, დედაქალაქის მასშტაბით  საქალაქო პარკების განახლება-რეაბილიტაციის სამუშაოები უკვე დაწყებულია.  აღნიშნული პროექტის სახით კი თბილისს კიდევ ერთი მოწესრიგებული დასასვენებელი სივრცე შეემატება.

„ყველას გვახსოვს, რა მდგომარეობა იყო აქ. მივიღეთ გადაწყვეტილება, პარკის სრულ განახლებასთან დაკავშირებით. ამჯერად „მზიურის“ ქვედა ტერიტორიაზე ვიმყოფებით, რომელიც მთლიანად რეაბილიტირდება და ახალი ხე-მცენარეები  დაირგვება. სამუშაოები უკვე დაწყებულია. მოწყობილია საფეხმავლო და ველობილიკები. ასევე, უკვე დამონტაჟებულია ახალი ელექტრობოძები და ლედ სანათები. კეთდება ხელოვნური ტბაც.  ამ პროეტის ფარგლებში ვგეგმავთ საფეხმავლო ხიდის გაკეთებას, რომელიც ხილიანს, ზოოპარკსა და „მზიურს“ დააკავშირებს“, - განაცხადა კახა კალაძემ.

პარკის სარეაბილიტაციო სამუშაოების ფარგლებში განხორციელდება მოზაიკების, ხიდების, კიბეებისა და ცენტრალური სადრენაჟე სისტემის რეაბილიტაცია, გამოიცვლება მიწისქვეშა კომუნიკაციები, მოეწყობა ველობილიკები, დაიდგმება სკამები,  ფანჩატურები, სასმელი წყლის სოკოები, ურნები, ასევე,  განთავსდება ზონირების შესაბამისი ნიშნები, გარდა ამისა, დაგეგმილია არსებული საპირფარეშოს დემონტაჟი და ახლის მოწყობა, რომელიც ადაპტირებული იქნება შშმ პირებისთვის. 

პროექტში გათვალისწინებულია დენდროლოგიური ნაწილიც, რომლის შესაბამისად პარკში დამატებით დაირგვება მცენარეები.

პროექტს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ახორციელებს.

მიმდინარე სამუშაოებს ასევე თბილისის მერის მოადგილე ირაკლი ბენდელიანი, ვაკის რაიონის გამგებელი ნოდარ ტურძელაძე და თბილისის საკრებულოს წევრი გიორგი მუსხელიშვილი გაეცნენ.

ავტორი: NS (სტატია დაფინანსებულია),

სოციალური ქსელები

მიხეილ სააკაშვილი - უკაცრავად და, ვის მიერ ჩადენილ დანაშაულს აღიარებთ, როგორც ფაქტს

40-მდე ქვეყანამ და საქართველომ ევროპული უსაფრთხოების დეკლარაციას მოაწერეს ხელი

ფარულავა – საკონსტიტუციო სასამართლოში რასაც ვუყურებთ ვერანაირ სტანდარტში ვერ ჯდება,

აბუ-დაბის სასამართლომ უსმან ნურმაგომედოვსა და მისი გუნდის წევრებს 6-თვიანი პატიმრობა, 300 000 დირჰამის ოდენობის ჯარიმა და დეპორტაცია მიუსაჯა