„ბრალდებულ ზურაბ ბუდაღაშვილის განცხადებასთან დაკავშირებით, რომლის მიხედვითაც მას პენიტენციურ დაწესებულებაში სთხოვდნენ, ნიკა მელიას, ირაკლი ოქრუაშვილისა და გიგი უგულავას წინააღმდეგ ჩვენება მიეცა, გამოძიება დაიწყო“, - ამის შესახებ 20 ივნისის აქციაზე დაკავებულების საქმის პროკურორმა ვაჟა თოდუამ სასამართლო სხდომაზე განაცხადა.

როგორც პროკურორი განმარტავს, ზურაბ ბუდაღაშვილთან გამომძიებლები იყვნენ შესულები, თუმცა, მან ჩვენების მიცემაზე უარი განაცხადა, რადგან სურდა ამ პროცესს მისი ადვოკატი დასწრებოდა.

„აღნიშნულზე დაწყებულია გამოძიება და ბრალდებულთან ციხეზე იყო გამომძიებელი მისი დაკითხვის მიზნით, თუმცა ჩვენების მიცემაზე უარი განაცხადა, რადგან სურდა დაკითხვას დასწრებოდა მისი ადვოკატი“, – ამბობს ვაჟა თოდუა.

შეგახსენებთ, რომ 20-21 ივნისის მოვლენების საქმეზე გამართულ ბოლო სხდომაზე ზურაბ ბუდაღაშვილმა განაცხადა, რომ მასზე უცნობი პირების მხრიდან ფსიქოლოგიური ზეწოლა ხორციელდებოდა, რომლის მიზეზადაც მან ოპოზიციის ლიდერების, ნიკა მელიას, ირაკლი ოქრუაშვილისა და გიგი უგულავას წინააღმდეგ ჩვენების მიცემა დაასახელა.

ცნობისთვის,  თბილისის საქალაქო სასამართლოში 20 ივნისის საქმეზე დაკავებული პირების, ზურაბ ბუდაღაშვილის, ბესიკ თამლიანის, ცოტნე სოსელიასა და კახაბერ კუპრეიშვილის სასამართლო პროცესი მიმდინარეობს, რომლებსაც აღკვეთის ღონისძიების სახით პატიმრობა აქვთ შეფარდებული.

ავტორი: ექსპრესნიუსი,

სოციალური ქსელები

მოლდოვას პარლამენტის თავმჯდომარემ საქართველოს ხელმძღვანელობა შურში დაადანაშაულა

გიორგი შარაშიძე – დღეს იქნება თუ ხვალ, „ოცნება“ აგებს ძალიან მწარედ პასუხს იმაზე, რასაც აკეთებს, ეს დრო არც თუ ისე შორსაა

უსახელოური, ალექსანდროული - რაჭა-ლეჩხუმში რთველი დაიწყო

ვიქტორ ყიფიანი - პარტიების აკრძალვით ქვეყანაში მოვლენების რადიკალიზაციამდეც მანძილი მკვეთრად მცირდება.