2019-11-17 18:01:04, 1373 ნახვა
საზოგადოება
აქციის მონაწილეებმა პარლამენტის პიკეტირებულ შესასვლელებთან კარვები გაშალეს
ოპოზიციური პარტიების ლიდერებმა და საპროტესტო აქციის მონაწილეებმა პარლამენტის პიკეტირებულ შესასვლელებთან კარვები გაშალეს.
როგორც ისინი აცხადებენ, ადგილზე მორიგეობას აპირებენ, რათა მმართველი გუნდის დეპუტატებს შენობაში შესვლის შესაძლებლობა არ მიეცეთ.
ცნობისთვის, ცოტა ხნის წინ პარლამენტის შენობის ყველა ჭიშკარს ბოქლომები დაადეს. როგორც „ევროპული საქართველოს“ ერთ-ერთმა ლიდერმა განაცხადა, გასაღებებს სიმბოლურად ხალხს გადასცემენ.
შეგახსენებთ, პარლამენტთან მასშტაბური საპროტესტო აქცია მიმდინარეობს. აქციის მონაწილეები დროებითი მთავრობის მიერ პროპორციული სისტემით ვადამდელი არჩევნების ჩატარებას ითხოვენ.
ავტორი: ექსპრესნიუსი,
epn.ge (@expressnews.ge)
