ოპოზიციური პარტიების ლიდერებმა და აქციის მონაწილეებმა პარლამენტის შენობის ჭიშკრებს ბოქლომები დაადეს.

როგორც „ევროპული საქართველოს“ ერთ-ერთმა ლიდერმა გიგი უგულავამ განაცხადა, გასაღებები სიმბოლურად ხალხს გადაეცემა.

„გასაღები გადაეცემა ხალხს, ნიშნად იმისა, რომ დაილუქა ხალხის მიერ შენობა, სადაც საუკუნის მზაკვრობა და ღალატი იკადრა ივანიშვილმა. ტყუილად ჰგონით, რომ „ქართული ოცნების“ დეპუტატები აქ მშვიდად ივლიან და მერე მურუსიძეს და უდიპლომო პროკურორს დანიშნავენ უზენაესი სასამართლოს თავმჯდომარედ“, - განაცხადა უგულავამ.

მან ასევე პარლამენტის შენობაში განლაგებულ სამართალდამცველებს მიმართა და მოუწოდა, „ეშმაკს არ ემსახურონ“.

„მოტყუებულები ხართ თქვენ, როცა არჩევანს წაგართმევენ, მერე სახლშიც შემოგივარდებიან. ჩვენ არაფერს არ ვითხოვთ, სამართლიანობის გარდა. თუ უზურპატორს დაიცავთ ეს თქვენ კისერზე იქნება. დღე თქვენ იცავთ ლეგიტიმაცია აყრილ, ნამუს აყრილ არაფორმალურ მმართველს. გადმოხვალთ ძალადობაზე და ვინც აიღო მახვილი, მახვილითვე წარწყდება - ესე წერია სახარებაში. ამ შენობაში ეშმაკი ბუდობს და ნუ იქნებით ამ ეშმაკის მსახურები“, - მიმართა უგულავამ სამართალდამცველებს.

შეგახსენებთ, პარლამენტთან მასშტაბური საპროტესტო აქცია მიმდინარეობს. აქციის მონაწილეები დროებითი მთავრობის მიერ პროპორციული სისტემით ვადამდელი არჩევნების ჩატარებას ითხოვენ.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის