საჯარო რეესტრის ეროვნული სააგენტოს მიერ ბლოკჩეინ ტექნოლოგიის გამოცდილება კატარში გამართულ საერთაშორისო კონფერენცია "შმარტ ჩიტყ Eხპო-ზე" განიხილეს. კონფერენციაზე საჯარო რეესტრს პროექტების მართვისა და გაყიდვების სამსახურის უფროსი მარიამ ტურაშვილი წარმოადგენდა. მან პანელურ დისკუსიაში- „კიბერუსაფრთხოების გამოწვევები ჭკვიან ქალაქებში"- მიიღო მონაწილეობა და საჯარო რეესტრის მიერ უძრავი ქონების სარეგისტრაციო ტრანზაქციებში ბლოკჩეინის ტექნოლოგიის გამოყენებაზე, განხორციელებულ აქტივობებსა და მიღწეულ შედეგებზე ისაუბრა.

საქართველო მსოფლიოში ერთ-ერთი პირველი ქვეყანაა, რომელმაც ბლოკჩეინის ტექნოლოგიური მიღწევა უძრავი ქონების რეგისტრაციაში წარმატებით გამოიყენა. ბლოკჩეინი ინოვაციური ტექნოლოგიაა, რომელიც  გარდა იმისა, რომ სარეგისტრაციო ტრანზაქციებს მსოფლიო მასშტაბით ხელმისაწვდომს, გამჭვირვალეს და კიდევ უფრო მეტად დაცულს  ხდის, ასევე უზრუნველყოფს მონაცემთა ბაზების ფიზიკური განადგურებისგან დაცვას.   

პანელურ დისკუსიაზე, რომელზეც განხილული იყო მონაცემთა უსაფრთხოების, ციფრული სისტემებისა და დეცენტრალიზაციის მნიშვნელობისა და მდგრადი განვითარების საკითხები, საჯარო რეესტრის წარმომადგენელმა ასევე ისაუბრა საქართველოს მიღწევებზე მსოფლიო ბანკის „Dოინგ Bუსინესს-ის" რეიტინგში. მან აღნიშნა, რომ ბიზნესის დაწყების სიმარტივით საქართველოს წელს საუკეთესო მაჩვენებელი აქვს, ხოლო ქონების რეგისტრაციის კომპონენტის მიხედვით სტაბილურად ინარჩუნებს ადგილს პირველ ხუთეულში.

კატარის ტრანსპორტისა და კომუნიკაციების სამინისტროს ორგანიზებით გამართული კონფერენცია „შმარტ ჩიტყ Eხპო" საერთაშორისო ღონისძიების „QIთჩOM 2019-ის" ნაწილია, რომელზეც   ჭკვიანი ქალაქების განვითარების  პროცესში არსებული გამოწვევების გადაჭრის გზები და ახალი ტექნოლოგიების გამოყენების გამოცდილებები  განიხილება. კონფერენციას ესწრებოდა საქართველოს საგანგებო და სრულუფლებიანი ელჩი კატარის სახელმწიფოში ნიკოლოზ რევაზიშვილი, მონაწილეობა ასევე მიიღეს ქართულმა სტარტაპ კომპანიებმა, რომლებიც ღონისძიებას კატარში საქართველოს საელჩოს ორგანიზებით ეწვივნენ.

(NS)

ავტორი: ექსპრესნიუსი,

სოციალური ქსელები

ვატო ყიფიანს, შოთა ყიფიანს, ავთანდილ ბილანიშვილს, პავლე გოცირიძეს და დავით კაჭარავას, ფეიქრიშვილზე თავდასხმის ფაქტზე ბრალი წაუყენეს

პროკურატურამ პენიტენციური სამსახურის ყოფილ გენერალურ დირექტორს და №8 პენიტენციური დაწესებულების ყოფილ დირექტორს ფეიქრიშვილის საქმეზე ბრალი წაუყენა

პაპუაშვილი – ფაშისტური რეჟიმის შემქმნელები ნიურბერგის პროცესზე ამტკიცებდნენ, რომ ცალკეული გადაცდომები იყო და ეს სახელმწიფო პოლიტიკა არ ყოფილა, ამას ერთ-ერთში „ნაცმოძრაობა“ იმეორებს

საქსტატმა 2025 წლის ეკონომიკურ ზრდას გადახედა და 7.5%-დან 8.4%-მდე გაზარდა - რის საფუძველზე?