ზუგდიდის, ცაგერისა და ამბროლაურის მუნიციპალიტეტებში ზურმუხტის ქსელში შემავალი ტერიტორიების  ‘სამეგრელო 2-ის’, ‘რაჭა-ლეჩხუმისა’ და ‘სვანეთი-რაჭის’ მართვის გეგმების შემუშავების საკითხებთან დაკავშირებით საინფორმაციო სემინარები გაიმართა. 

სემინარების მიზანი იყო ადგილობრივი მოსახლეობის ინფორმირება კონსერვაციის მაღალი ინტერესის მქონე ადგილების თაობაზე, სადაც ვხვდებით დაცულ სახეობებსა და ჰაბიტატებს.

შეხვედრის ფარგლებში საერთაშორისო ექსპერტებმა და გარემოს დაცვისა და სოფლის მეურნეობის წარმომადგენლებმა მონაწილეებთან ერთად განიხილეს ზურმუხტის ქსელში შემავალი ტერიტორიებისთვის კონსერვაციის კონკრეტული ღონისძიებები და შესაძლებლობები გრძელვადიანი თანამშრომლობისთვის. ასევე, ექსპერტებმა შეხვედრის მონაწილეებს გაუზიარეს საერთაშორისო გამოცდილება ბიომრავალფეროვნების კონსერვაციის სოციალურ-ეკონომიკური გავლენის, ტრადიციული პროდუქციის ფასეულობის ზრდის, ეკოტურიზმის და სხვა საკითხების შესახებ.

ზურმუხტის ქსელის განვითარება არის უმნიშვნელოვანი საერთაშორისო ინსტრუმენტი, რომელიც ხელს უწყობს 1979 წლის ბერნის ,,ევროპის ველური ბუნებისა და ბუნებრივი ჰაბიტატების დაცვის კონვენციის’’ განხორციელებას. 2009 წელს აღნიშნულ კონვენციას საქართველოც შეუერთდა, რითაც ქვეყანამ აიღო ვალდებულებები ველური ბუნების სახეობებისა და ჰაბიტატების კონსერვაციის სტანდარტების ევროკავშირსა და სხვა ქვეყნებში არსებულ სტანდარტებთან შესაბამისობაში მოეყვანა ამჟამად, საქართველოს ზურმუხტის ქსელი 39 ზურმუხტის საიტისგან შედგება. ამასთანავე, 7 საიტი არის ქსელში შესვლის კანდიდატი, ხოლო 12 შეთავაზებული. აღებული ვალდებულებების მიხედვით, საქართველოს ზურმუხტის ქსელის 3 საიტის მართვის გეგმები მზად უნდა ჰქონდეს  2023 წლისთვის, ხოლო  დანარჩენ 36 დანიშნული საიტის - 2024 წლისთვის.

საინფორმაციო და საკონსულტაციო ხასიათის სემინარები ჩატარდა ევროკავშირის მიერ დაფინანსებული პროექტის "მხარდაჭერა ევროკავშირი-საქართველოს ასოცირების ხელშეკრულების გარემოსდაცვითი დებულებების განხორციელებაში“ ფარგლებში სსიპ გარემოსდაცვითი ინფორმაციისა და განათლების ცენტრთან თანამშრომლობით.

(NS)

ავტორი: ექსპრესნიუსი,

სოციალური ქსელები

ვატო ყიფიანს, შოთა ყიფიანს, ავთანდილ ბილანიშვილს, პავლე გოცირიძეს და დავით კაჭარავას, ფეიქრიშვილზე თავდასხმის ფაქტზე ბრალი წაუყენეს

პროკურატურამ პენიტენციური სამსახურის ყოფილ გენერალურ დირექტორს და №8 პენიტენციური დაწესებულების ყოფილ დირექტორს ფეიქრიშვილის საქმეზე ბრალი წაუყენა

პაპუაშვილი – ფაშისტური რეჟიმის შემქმნელები ნიურბერგის პროცესზე ამტკიცებდნენ, რომ ცალკეული გადაცდომები იყო და ეს სახელმწიფო პოლიტიკა არ ყოფილა, ამას ერთ-ერთში „ნაცმოძრაობა“ იმეორებს

საქსტატმა 2025 წლის ეკონომიკურ ზრდას გადახედა და 7.5%-დან 8.4%-მდე გაზარდა - რის საფუძველზე?