შუახევში სახალხო დღესასწაული ,,შუახევობა“ გაიმართა

2019-10-20 15:00:01, 2700 ნახვა

საზოგადოება

სახალხო დღესასწაული ,,შუახევობა“ სათავეს გასული საუკუნის 80-იანი წლებიდან იღებს. იგი პირველ ათწლეულში ,,სიმღერის დღესასწაულად“ იყო ცნობილი, მომდევნო წლებში კი მას ,,შუახევობა" უწოდეს.

ღონისძიება, რომელიც უკვე ტრადიციად იქცა, წელს განსხვავებული ფორმატით გაიმართა. სახალხო დღესასწაული ,,შუახევობა“ , რეგიონალურ ფოლკლორულ ფესტივალს ,,ფუძეობას“ მასპინძლობდა, რომლის ძირითადი გზავნილია ტრადიციების შენარჩუნება, შუახევიდან წასული შუახეველების ფუძეზე დაბრუნება, ტურიზმისა და კულტურის განვითარება.
რეგიონალურ ფესტივალში მონაწილეობდნენ ქობულეთის, ხელვაჩაურის, ქედის და ხულოს მუნიციპალიტეტები.
სახალხო ზეიმი ადგილობრივებს და დამსწრე საზოგადოებას რეგიონის და ადგილობრივი ხელისუფლების წარმომადგენლება მიულოცეს.
აჭარის მთავრობის თავმჯდომარემ ღონისძიებაზე შეკრებილ მოსახლეობას მნიშვნელოვანი და სასიამოვნო სიახლის შესახებ მიაწოდა ინფორმაცია, აჭარის კულტურული მემკვიდრეობის დაცვლის სააგენტოს ინიციატივით ცეკვა „განგაგანას და მის ხალხურ საწყისებს“ არამატერიალრი კულტურული მემკვიდრეობის ძეგლის სტატუსი მიენიჭა.
დღესასწაულის ოფიციალურ ნაწილში საპატიო შუახეველების დაჯილდოება და ადგილობრივი ფოლკლორული ანსამბლების კონცერტი ჩატარდა.
გაიამართა ქართველი მეწარმეების მიერ დამზადებული ნაწარმის გამოფენა-გაყიდვა და სოფლის ნობათის გამოფენა.
მუნიციპალიტეტებმა ღია ცის ქვეშ წარმოადგინეს დეკორატიული აჭარული კუთხეები, ტრადიციული სამზარეულო, ეთნოგრაფიული ნიმუშები, ყოფითი და სამეურნეო ტრადიციების ამსახველი ვიზუალური მასალა.
ღონისძიების დასკვნით ნაწილში გაიმართა კონცერტი ქართული ესტრადის წამყვანი ვარსკვლავების მონაწილეობით.
ღონისძიების მხარდამჭერი და ორგანიზატორი: - შუახევის მერია;
ღონისძიების მხარდამჭრი :- აჭარის ავტონომიური რესპუბლიკის განათლების, კულტურისა და სპორტის სამინისტრო; გენერალური სპონსორი - Credo Bank / კრედო ბანკი;უფასო ინტერნეტით უზრუნველყოფა- სქაიტელი - SkyTel; უცვლელი პარტნიორი - Check in Georgia.
NS