აჭარის ჯანდაცვის მინისტრი და აჭარის ფინანსთა და ეკონომიკის მინისტრი „ოცნების ქალაქში“ იმყოფებოდნენ.

ჯაბა ფუტკარაძე და ზაალ მიქელაძე მოსახლეობას შეხვდნენ და მათ „ოცნების ქალაქის“ პროექტთან დაკავშირებით ინფორმაცია გააცნეს.

მთავრობის წარმომადგენლებმა პროექტთან დაკავშირებით მიმდინარე პროცედურების შესახებ ისაუბრეს და მოსახლეობას მათთვის საინტერესო საკითხებზე დეტალური ინფორმაცია მიაწოდეს.

"ოცნების ქალაქის" ტერიტორიაზე, შესაბამისი ტექნიკით, შიდა გზის მოსწორების სამუშაოები განხორციელდა.

ამ დროისთვის „ოცნების ქალაქის“ პროექტირება დასრულებულია და უკვე გაფორმებულია მიღება-ჩაბარების ხელშეკრულება. ამ ეტაპზე მშენებლობის დაწყებისთვის საჭირო წინამოსამზადებელი სამუშაოები მიმდინარეობს. ძალიან მალე გამოცხადდება ტენდერი მშენებლობაზე და დაიწყება მშენებლობა.

„ყველა ის დაპირება, რომელსაც ჩვენ გავცემთ, მათ შორის „ოცნების ქალაქთან“ დაკავშირებით, რომ ეს დასახლება გადაიქცევა ნამდვილ „ოცნების ქალაქად“, უპირობოდ იქნება შესრულებული. უპრეცენდენტო გადაწყვეტილება ნაკარნახევი იყო იმ მძიმე სოციალური მდგომარეობით, რომელიც ჩვენ იქ ადგილზე გასვლისას დაგვხვდა. ეს იყო წლების განმავლობაში ყველაზე დიდი სოციალური პრობლემა და ჩვენმა მთავრობამ მიიღო საკმაოდ გაბედული გადაწყვეტილება“- განაცხადა აჭარის მთავრობის თავმჯდომარე თორნიკე რიჟვაძემ.

(NS)

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა