კრიმინალური ავტორიტეტი ტარიელ ონიანი რუსეთმა შესაძლოა საქართველოს გადასცეს, - ამის შესახებ rosbalt იუწყება.

მედია საშუალების ინფორმაციით, ონიანი ორენბურგის ციხიდან მოსკოვის იზოლატორში უკვე გადაიყვანეს. მას პატიმრობის ვადა 8 ოქტომბერს ეწურება. 

როგორც rosbalt-ს საგამოძიებო უწყებაში არსებულმა წყარომ განუცხადა, პროკურატურას ონიანის ბედი ჯერჯერობით არ გადაუწყვეტია, თუმცა მასთან დაკავშირებით უწყება მოვლენების განვითარების 3 ვერსიას განიხილავს: 1 - ექსტრადირება ესპანეთში, 2 - რუსეთის ციხეში კიდევ 10 წლის გატარება და 3 - საქართვველოში დეპორტაცია. 

ამავე წყაროს ცნობით, პროკურატურა სავარაუდოდ მის დეპორტაციას გადაწყვეტს. ამასთან, ესპანეთი მას დანაშაულებრივი ჯგუფის შექმნასა და ფულის გათეთრებაში ედავება. 

შეგახსენებთ, რომ ტარიელ ონიანს მოსკოვმა რუსეთის მოქალაქეობა რამდენიმე წლის წინ შეუჩერა. ტარიელ ონიანი 2010 წელს მოსკოვის სასამართლომ ადამიანის გატაცებასა და გამოძალვაში ბრალდებულად ცნო. მას 10 წლით თავისუფლების აღკვეთა მიესაჯა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ბრიფინგი პროკურატურაში

ჰორმუზის სრუტეში გაზმზიდი ნაღმზე აფეთდა

ვიტკოფი: გუნდების შემდეგი შეხვედრა უკვე დაგეგმილია, ევროპელები დაესწრებიან

კუშნერი: რუსეთთან შემდეგ მოლაპარაკებებში ევროპის ქვეყნები იქნებიან წარმოდგენილი