სახელმწიფო უსაფრთხოების სამსახურის ანალიტიკური დეპარტამენტის დირექტორის მოადგილის ირაკლი ანთაძის განცხადებით, ამ ეტაპზე ახალგორში ჰუმანიტარული კრიზისის ნიშნები არ არის.

აღნიშნულის შესახებ განცხადება ანთაძემ ერგნეთში ინცინდენტების პრევენციისა და მათზე რეაგირების ჯგუფის მორიგი შეხვედრის წინ გააკეთა.

მისივე განმარტებით, დღევანდელ შეხვედრაზე ხაშურის მუნიციპალიტეტის სოფელ ჩორჩანას ვითარება განიხილება.

„დღეს განვიხილავთ სოფელ ჩორჩანას მიმდებარე ტერიტორიაზე განვითარებულ პროცესებს. ვინაიდან ე.წ. გადასასვლელების ჩაკეტვის საკითხი მათ პირდაპირ დაუკავშირეს ყოველგვარი ობიქტური მიზეზისა და საფუძვლის გარეშე ჩორჩანასთან განვითარებულ პროცესებს, ბუნებრივია ამ კონტექსტში ჩვენ აუცილებლად დავაყენებთ ამ საკითხს და კიევ ერთელ ხაზგასმით ავღნიშნავთ, რომ ჰუმანიტარული განზომილება, რაც უკავშირდება მოსახლეობის თავისუფალ გადაადგილებას და მათი ყოველდღიური პირობების გაუმჯობესებას ეს იქნება სოციალური მომსახურება, სამედიცინო სერვისი თუ სხვა რამ მიუღებელია, რომ იყოს ვაჭრობის საგანი და ვინმე ამით შეეცადოს პროცესებზე ზეგავლენის მოხდენას.

რაც შეეხება ახალგორში შექმნილ ვითარებას, როგორც კრიზისის, ამის შეფასების არანაირი ინდიკატორი ამ ეტაპზე არ არსებობს. თუმცა, თუ დროულად არ გაიხსნა და მოსახლეობას არ მიეცა თავისუფლად გადაადგილების შესაძლებლობა, რაღაც პერიოდში მათ აუცილებლად შეექმნებათ კონკრეტული პრობლემები“, - განაცხადა ირაკლი ანთაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა