ბრალდებული ბიზნესმენი, ავთანდილ წერეთელი საქალაქო სასამართლოს გადაწყვეტილებას სააპელაციო სასამართლოში გაასაჩივრებს, - ამის შესახებ ბიზნესმენის ადვოკატმა კახა წერეთელმა განაცხადა.

როგორც ადვოკატი განმარტავს, გადაწყვეტილება დაუსაბუთებელია და წერეთლის მიმართ სისხლის სამართლებრივი დევნის დაწყების საფუძველი არ არსებობს.

"გადაწყვეტილებას აუცილებლად გავასაჩივრებთ და ამაზე უკვე ვმუშაობთ. სააპელაციო სასამართლოში ჩვენი მოთხოვნა იქნება ისევ ის, რომ ავთანდილ წერეთელს არანაირი აღკვეთის ღონისძიების შეფარდება არ სჭირდება. ის ჩამოვიდა სასამართლო პროცესამდე რამდენიმე საათით ადრე და ჩვენთვის გაუგებარია, რა არგუმენტით იხელმძღვანელა ჯერ პროკურატურამ და შემდეგ სასამართლომ, რომ არსებობს მისი მიმალვის საფრთხე", - განაცხადა ბიზნესმენის ადვოკატმა.

ცნობისთვის, თბილისის საქალაქო სასამართლოს გადაწყვეტილებით, ბიზნესმენ ავთანდილ წერეთელს აღკვეთის ღონისძიების სახით 500 000 ლარის ოდენობის გირაო შეეფარდა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

CNN: თუ აშშ ირანზე თავდასხმებს განაახლებს, შესაძლოა, „ყველა ბომბის დედა“ გამოიყენოს

თეთრი სახლი უარყოფს მონაწილეობას უკრაინაში Starlink-ის შეზღუდვებთან დაკავშირებით - Axios

სეს - საბავშვო ბაღებიდან აღებულ სურსათის ნიმუშებში დარღვევა არ გამოვლინდა

არგენტინიდან საქართველოში ექსტრადირებულია პირი, რომელიც აშშ-ში თავშესაფრის მისაღებად საჭირო ყალბი საქმეების დამზადების საქმეში ფიგურირებს