ამერიკის შეერთებული შტატები ამაყია ხედავს რა ჩვენი პარტნიორობის შედეგებს ფაროსანას და სხვა მავნებელი მწერების წინააღმდეგ ბრძოლაში - ეს განცხადება აშშ-ს ელჩის მოვალეობის შემსრულებელმა ელიზაბედ რუდმა თხილის საწარმო „ჯეო ნათსში“ თხილის მწარმოებელ ფერმერებთან შეხვედრისას გააკეთა, რომელსაც პრემიერი მამუკა ბახტაძე და სოფლის მეურნეობის მინისტრი ლევან დავითაშვილიც ესწრებოდნენ.

რუდმა აღნიშნა, რომ ამერიკის შეერთებული შტატები აზიურ ფაროსანასთან ბრძოლისთვის საქართველოს 6.5 მილიონი დოლარით დაეხმარა, რაშიც ტექნიკური აღჭურვილობა და სამეცნიერო-საექსპერტო ცოდნის გადაცემაც შედის.

„დღეს ჩვენ სამეგრელოში ვზეიმობთ წლევანდელ მოსავალს და ჩვენი ნაყოფიერი თანამშრომლობის შედეგებს. 2 წელიწადზე მეტია ამერიკის და საქართველოს მთავრობა თანამშრომლობს მავნებელი მწერების და, განსაკუთრებით, ფაროსანას საფრთხის შესამცირებლად. ეს პარტნიორობა ნათლად წარმოაჩენს ჩვენს ერთგულებას და დახმარებას საქართველოს მიმართ, რათა მან თავად შეძლოს საკუთარი ეკონომიკის განვითარება. ბოლო 3 წლის განმავლობაში, ფაროსანა საქართველოსთვის უდიდეს გამოწვევად იქცა. ფაროსანამ გაანადგურა მარცვლეული კულტურები მთელს დასავლეთ საქართველოში, რამაც მილიონობით დოლარის  ზარალი მიაყენა ფერმერებსა და მათ ოჯახებს.

ფაროსანამ განსაკუთრებით დააზიანა თხილის სექტორი, რასაც ექსპორტის ყველაზე დიდი პოტენციალი აქვს. დღეს, ამერიკის შეერთებული შტატები ამაყია ხედავს რა ჩვენი პარტნიორობის შედეგებს ფაროსანას და სხვა მავნებელი მწერების წინააღმდეგ ბრძოლაში. ეს თანამშრომლობა შესაძლებელი გახდა USAID -ის, გარემოს დაცვისა და სოფლის მეურნეობის სამინისტროს , სურსათის ეროვნული სააგენტოს და ადგილობრივი ხელისუფლების პარტნიორობით. კომპანია „ფერეროს“ ჰქონდა მნიშვნელოვანი როლი ამ პარტნიორობაში. ამ ერთობლივი ძალისხმევის შედეგად, ფერმერები გაძლიერდნენ და ახლა მათ უკეთესი შესაძლებლობა აქვთ, მოიყვანონ უხვი მოსავალი არა მხოლოდ წელს, არამედ მომავალშიც. საქართველოს დახმარება ფაროსანას წინააღმდეგ ბრძოლაში 2 წლის წინ დავიწყეთ. მთლიანობაში, დახმარებამ 6.5 მილიონი დოლარი შეადგინა, მათ შორისაა ის უახლესი აღჭურვილობა, რასაც აქ ხედავთ. მაისის თვიდან მოყოლებული, 45 ამერიკული წარმოების ავტომანქანით ხორციელდება მონიტორინგი და შეწამვლითი ღონისძიებები. აღჭურვილობასთან ერთად, USAID -მა უზრუნველყო სამეცნიერო და ტექნიკური საექსპერტო ცოდნის გადაცემა. ახლა,  ექსპერტები მსოფლიოს მრავალი ქვეყნიდან საქართველოსი ჩამოდიან, რათა აქაურ გამოცდილებას გაეცნონ. ფერმერებისა და მათი ოჯახებისთვის გაწეული დახმარება დღეს წინაპირობაა იმისა, რომ ხვალ ისინი დახმარების გარეშე შეძლებენ უფრო მეტის წარმოებას, ეს კი გააძლიერებს თემებს და კეთილდღეობას მოუტანს ხალხს“, - განაცხადა ამერიკის ელჩის მოვალეობის შემსრულებელმა ელიზაბეთ რუდმა.

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა