დღეს აჭარის მთავრობის თავმჯდომარემ განათლების, კულტურისა და სპორტის ახალი მინისტრი წარადგინა.

მაია ხაჯიშვილი დღემდე აჭარის ავტონომიური რესპუბლიკის უმაღლესი საბჭოს აპარატის უფროსის პოზიციას იკავებდა. აქვს განათლების სამინისტროში მუშაობის მრავალწლიანი გამოცდილება, როგორც იურიდიული დეპარტამენტის, ასევე საქმის წარმოებისა და შესყიდვების დეპარტამენტის ხელმძღვანელის პოზიციაზე.

როგორც თორნიკე რიჟვაძემ მინისტრის წარდგენისას აღნიშნა მაია ხაჯიშვილს განვლილი აქვს ყველა ის ეტაპი, რაც მნიშვნელოვანია განათლების, კულტურისა და სპორტის სამინისტროს გამართული, აქტიური და დინამიური ფუნქციონირებისათვის.

„განათლების სფეროში ხორციელდება ეროვნული იდეა, რეფორმა და მნიშვნელოვანია, რომ ყველანი ძალიან აქტიურად ვიყოთ ჩართული მის განხორციელებაში. ასევე, აჭარაში განათლების სამინისტრო ახორციელებს ყველა იმ მნიშვნელოვან პროგრამას, რომელიც უკავშირდება ჩვენი საზოგადოების და ქვეყნის განვითარებას და დარწმუნებული ვარ განათლების, კულტურისა და სპორტის მიმართულებით გვექნება ძალიან ბევრი წარმატება. რესურსი, რომელიც იქნება განათლების სექტორის მიმართულებით გადანაწილებული, დაიხარჯება განათლების რეფორმის კუთხით, რითაც შევძლებთ ჩვენი ქვეყანა ვაქციოთ ერთ-ერთი ყველაზე განათლებულ ერად წარმატებულ ქვეყანათა შორის“, - განაცხადა თორნიკე რიჟვაძემ.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს

ბინადობის უფლებისთვის 3000 ევროს ძალავდნენ- დაკავებულია ორი პირი