2019-05-27 14:47:10, 816 ნახვა
რეგიონი
სტიქიის შედეგად დაზარალებული 7 სოფლის მოსახლეობამ გორის მაგისტრალის გადაკეტვა სცადა
სტიქიის შედეგად დაზარალებული 7 სოფლის მოსახლეობამ გორის მაგისტრალი გადაკეტვა სცადა.
ტელეკომპანია „რუსთავი 2“-ის ინფორმაციით, ისინი ხელისუფლებისგან დახმარებას ითხოვენ.
დემონსტრანტები თავდაპირველად მერიასთან შეიკრიბნენ და სოფლის მეურნეობის მინისტრთან შეხვედრა მოითხოვეს, მოგვიანებით კი ცენტრალურ მაგისტრალთან გადაინაცვლეს და გზა გადაკეტეს.
ადგილზე პოლიციაა მობილიზებული.
გზა მას შემდეგ გაიხსნა, რაც გორის მერმა მოსახლეობას ინფორმაცია მიაწოდა, რომ 16:00 საათისთვის მათთან შესახვედრად გარემოს დაცვისა და სოფლის მეურნეობის მინისტრი ლევან დავითაშვილი ჩავიდოდა.
ფოტო: "რუსთავი 2".
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
