„ქართული ოცნება-დემოკრატიული საქართველოს“ ზესტაფონის მერობის კანდიდატი გიორგი გოგლიჩიძე იუსტიციის მინისტრ თეა წულუკიანთან ერთად სოფელ მეორე სვირის მოსახლეობას შეხვდა.

თეა წულუკიანი მოსახლეობას იმ სიკეთეებზე ესაუბრა, რაც მათ სოფელში საზოგადოებრივი ცენტრის ამოქმედების შედეგად მიიღეს. მან, ასევე, ყურადღება გაამახვილა მიწის რეგისტრაციასა და სხვა სამართლებრივ რეფორმებზე.

„აქ იმისთვის ვარ, რომ მოსახლეობას ვესაუბრო იმ რეფორმებზე, რაც განხორციელდა და რაც იგეგმება. ამ ჭრილში, მინდა მათ მოვუწოდო, მხარი დაუჭირონ გიორგი გოგლიჩიძეს, რომელსაც შესწევს ძალა და უნარი, რაც შეიძლება სწრაფად და ეფექტურად აღიქვას ცენტრალური ხელისუფლების ამოცანები და სურვილები; ამავე დროს, იყოს ინიციატივიანი და ეფექტური მერი. ჩვენ, ასევე, ვისაუბრეთ იმაზე რომ, როგორც იყო დაპირება, სვირელებმა მიიღეს კომფორტული ცენტრი, რომლის მსგავსსაც ხვალ შუახევში ვხსნით. აქვე მინდა, დავაანონსო მთავარი სიახლე – ჩვენ ზესტაფონში, წყალტუბოსა და სამტრედიაში ასევე ვგეგმავთ იუსტიციის სახლების მშენებლობას”, – განაცხადა თეა წულუკიანმა.

მმართველი გუნდის ზესტაფონის მერობის კანდიდატის, გიორგი გოგლიჩიძის თქმით, სვირში გახსნილი საზოგადოებრივი ცენტრი მოსახლეობისთვის დიდი სიკეთეა.

 „ყველას კარგად გვახსოვს წელიწად-ნახევრის წინ სვირში საზოგადოებრივი ცენტრის გახსნა, რაც სოფლის მოსახლეობისთვის დიდი სიკეთეა. აქედან დაიწყო ზესტაფონში მსგავსი მომსახურეობის მიღება ადგილებზე. თავს უფლებას მივცემ და დავაანონსებ, რომ იუსტიციის სახლის მშენებლობა იგეგმება ქალაქშიც, რაც საჭირო სერვისებით უზრუნველყოფს მოსახლეობას”, – განაცხადა გიორგი გოგლიჩიძემ.

მოგვიანებით, იუსტიციის მინისტრი და მერობის კანდიდატი ქალაქის ცენტრში,​ ასლანიკაშვილის სანაპიროზე ახალ სკვერში შეკრებილ მოსახლეობას შეხვდნენ, რომლის მიმდებარედაც იუსტიციის სახლის მშენებლობა იგეგმება.

 შეხვედრას პარლამენტარი შალვა კიკნაველიძეც ესწრებოდა. მან მოსახლეობას იმ ინფრასტრუქტურული პროექტების შესახებ მიაწოდა ინფორმაცია, რომელიც ზესტაფონში იგეგმება.

„მალე ჩვენ მნიშვნელოვანი პროექტების განხორციელებას დავიწყებთ ქალაქში, მათ შორის იქნება იუსტიციის სახლიც, რომლის საშუალებითაც ადამიანები შეძლებენ, ერთ სივრცეში, “ერთი ფანჯრის პრინციპით” მიიღონ საჭირო მომსახურეობა”, – განაცხადა შალვა კიკნაველიძემ.

(NS)

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს