შუახევში კიდევ ერთი მნიშვნელოვანი, მსხვილი ინფრასტრუქტურული პროექტის - ბათუმი ახალციხის საავტომობილო გზის 65-66 კილომეტრზე ქვეითთა მოსიარულეთათვის უსაფრთხო გადადგილებისათვის საფეხმავლო ტროტუარის მოწყობის განხორციელება დაიწყო.

პროექტი, რომლის ღირებულება 1 040 999 ლარია ითვალისწინებს დაბის ტერიტორიაზე ( არსებული ავტოსადგურიდან რუსთაველის ქუჩაზე) ქვეითად მოსიარულეთათვის უსაფრთხო გადაადგილებისათვის საფეხმავლო ტროტუარის, საყრდენი კედელის, სანიაღვრე არხის, სკვერის, მოსაცდელის, გარეგანათებისა და ავტოპარკინგის მოწყობას. რეაბილიტაცია ჩაუტარდება ტერიტორიის მიმდებარედ კიბეებს.

 სამუშაოებს ტენდერში გამარჯვებული მიმწოდებელი ამხანაგობა „ემილ-2014“ ასრულებს.

ამ დროისათვის მიმდინარეობს საყრდენი კედლებისა და ტროტუარის საძირკველის მოწყობა.

სამუშაოების პირველი ეტაპი, დღეს შუახევის მერმა ფრიდონ ფუტკარაძემ მოადგილე ომარ ტაკიძესთან და ინფრასტრუქტურული ღონისძიებების მიმღებ კომისიის წევრებთან ერთად დაათვალიერა.

,,ინფრასტრუქტურული პროექტების ფარგლებში ჩვენ დავიწყეთ დაბისა და ადმინისტრაციული ერთეულების, სოფლების კეთილიმოწყობა. მიმდინარე ღონისძიება სწორედ დაბის განვითარების პროექტის ფარგლებში ხორციელდება, რომელიც ითვალისწინებს დაბის მოწესრიგებულ ინფრასტრუქტურას. მაგისტრალის ამ მონაკვეთზე, სადაც მოძრაობს მაღალი გამავლობის, მძიმეწონიანი ტრანსპორტი გზის სავალი ნაწილი შევიწროვებულია, რაც საფრთხეს უქმნის ქვეითად მოსიარულეებს, მათ შორის ბავშვებს. აქედან გამომდინარე აუცილებელია გზაზე გადადგმული საფეხმავლო ტროტუარის მოწყობა. მიმდინარე ინფრასტრუქტურული სამუშაები ხელშეკრულებით გათვალისწინებულ ვადებში, წელს დასრულდება, ხოლო დაბის განვითარების გეგმის ფარგლებში დაგეგმილი პროექტები მომავალში გაგრძელდება“, - აღნიშნა ფრიდონ ფუტკარაძემ.

(NS)

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს