კულინარიის ხელოვნებას დასაქმების სააგენტოს პროგრამის ფარგლებში სამუშაოს 23 მაძიებელი ეუფლება.

„პროფესიული მომზადება/გადამზადება’’ ოთხი თვე გრძელდება და ამ ხნის განმავლობაში პროგრამის მონაწილეები შეისწავლიან : მენიუს აღწერას, რეცეპტისა და ტექნოლოგიური ბარათის გამოყენებას.

კერძის მოსამზადებლად საჭირო ნედლეულის რაოდენობის განსაზღვრა; საკვები პროდუქტებისა და ნედლეულის პირველადი და მექანიკური დამუშავება; ნედლეულისა და პროდუქტის თერმული დამუშავება; მარტივი კერძების მომზადება; ქართული სამზარეულოს გავრცელებული ძირითადი კერძების მომზადება; საერთაშორისო სამზარეულოს გავრცელებული ძირითადი კერძების მომზადება.

კულინარიის ხელოვნების სპეციალისტი (მზარეული) არის საჭმლის მომზადების ოსტატი.

მზარეულის პროფესია გულისხმობს მომხმარებლისათვის მაღალხარისხიანი კერძების მომზადებას, გაფორმებას და მიწოდებას. იგი სპეციალური რეცეპტით ამზადებს კერძებს, მაგრამ თავისი გემოვნებით შეუძლია მისი შეცვლა.

მზარეულის პროფესია მოთხოვნადია ნებისმიერ დარგში: სკოლებში, საავადმყოფოებში, საბავშვო ბაღებში, ფაბრიკა-ქარხნების სასადილოებსა და თანამედროვე ოფისებში, რესტორნებში, სამხედრო-საზღვაო დაწესებულებებში, სასტუმროების ბიზნესში მზარეულის პროფესია გადამწყვეტია. სასტუმროებში მზარეულები ასრულებენ პრაქტიკულად ყველაფერს დაწყებული კერძების მომზადებით და დამთავრებული საუზმითა და დესერტით.

ისინი ასევე, მონაწილეობენ სამზარეულო მოწყობილობების შეძენის პროცესში, ადგენენ მენიუს,თვალს ადევნებენ იმას, რომ სასტუმროში პროდუქტები იყოს ახალი და მის მომზადებას მალევე შუდგნენ. მზარეულს ასევე შეუძლია დაკავდეს საკუთარი საქმით-გახსნას თავისი რესტორანი.

(NS)

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს