ბათუმში "ტურისტული დიპლომატია, როგორც ქვეყნის საგარეო პოლიტიკის მნიშვნელოვანი პრიორიტეტი" სასწავლო კურსი დაიწყო. სამი დღის განმავლობაში რეგიონში მოქმედი გიდები და  ტურიზმის ფაკულტეტის სტუდენტები ისეთ მნიშვნელოვან თემებს გაეცნობიან, როგორებიცაა საქართველოს ეკონომიკური და კულტურული დიპლომატიის საკითხები, საქართველოს ევროკავშირსა და ნატოში ინტეგრაციის პროცესი, საქართველოს დიპლომატიის უახლესი ისტორია, რუსეთ-საქართველოს ურთიერთობები, საქართველოს საგარეო პოლიტიკის პრიორიტეტები  და ურთიერთობები მეზობელ ქვეყნებთან. 

სპეციალური კურსი აჭარის ტურიზმის დეპარტამენტის თავმჯდომარე სულხან ღლონტმა სიტყვით გახსნა და გიდებისთვის, ტურისტული დიპლომატიის ცოდნის მნიშვნელობაზე ისაუბრა.

„მნიშვნელოვანია, რომ გიდებმა იმ მილიონობით ტურისტს, რომლებიც ქვეყანას სტუმრობენ სწორი და კომპეტენტური ინფორმაცია მიაწოდონ ქვეყნის პოლიტიკურ-ეკონომიკური მდგომარეობისა და საგარეო პოლიტიკის შესახებ. თითოეული საკითხი, რომელსაც ისინი სამი დღის განმავლობაში შეისწავლიან საშუალებას მისცემს მათ ზუსტად იცოდნენ როგორია სახელმწიფოს მიდგომა და საგარეო პოლიტიკა ევროკავშირის, ნატოს, მეზობელ ქვეყნებთან თუ ოკუპაციასთან დაკავშირებით. თითოეული ტურისტი არის ინფორმაციის ექსპორტიორი, გიდები კი ადამიანები, რომლებსაც ყველაზე მეტი შეხება აქვთ ტურისტებთან. ჩვენი მიზანიც სწორედ ისაა, რომ დავეხმაროთ გიდებს  განათლების ამაღლებსა და განვითარებაში, რაც პირდაპირ აისახება ჩვენი ტურისტების კმაყოფილების დონესა და  სწორად ინფორმირებულობაზე,“ განაცხადა სულხან ღლონტმა გიდებთან საუბრისას. 

ტურისტული დიპლომატიის კურსი საქართველოს საგარეო საქმეთა სამინისტროს,  ლევან მიქელაძის სახელობის დიპლომატიური სასწავლო და კვლევითი ინსტიტუტის მიერაა მომზადებული. ის ტურიზმის ეროვნული ადმინისტრაციისა და აჭარის ტურიზმის დეპარტამენტის ორგანიზებით იმართება.

ტურისტული დიპლომატია ბათუმის სახელმწიფო უნივერსიტეტში დღეს გაიხსნა და 21 აპრილს დასრულდება. სასაწვლო კურსზე ლექციებს მოქმედი ელჩები და საგარეო საქმეთა სამინისტროს სხვადასხვა დეპარტამენტის ხელმძღვანელები კითხულობენ. მას დიპლომატიური კორპუსისა და ტურიზმის ეროვნული ადმინისტრაციის წარმომადგენლები ესწრებიან. კურსი უკვე ჩაუტარდა დედაქალში მოქმედ გიდებს. ბათუმის შემდეგ მას ქუთაიში მოქმედი გიდები გაივლიან.  

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს