აჭარის მთავრობის თავმჯდომარე თორნიკე რიჟვაძე პრაღაში, ჩეხეთის რესპუბლიკაში, აღმოსავლეთ პარტნიორობის ინიციატივის 10 წლის იუბილესადმი მიძღვნილ კონფერენციას დაესწრო და პანელ-დისკუსიაზე „სავაჭრო და ეკონომიკური დაახლოება ევროკავშირსა და აღმოსავლეთ პარტნიორებს შორის" სიტყვით გამოვიდა.

თორნიკე რიჟვაძემ სიტყვით გამოსვლისას ისაუბრა ეკონომიკურ რეფორმებსა და აჭარის ეკონომიკური განვითარების ძირითად პრიორიტეტებზე, რომელ სფეროებშიც პირდაპირი უცხოური ინვესტიციების წილი ყოველწლიურად იზრდება.

„სწორედ ეკონომიკური რეფორმების შედეგია ის, რომ საქართველომ ისეთ საერთაშორისო რეიტინგებში, როგორიცაა Doing Business Ease, Index of Economic Freedom და Titch Ratings, შთამბეჭდავი ადგილი დაიკავა. ჩვენ ვამაყობთ, რომ ბათუმი, აჭარა შავი ზღვის ქვეყნებში გამორჩეული საინვესტიციო ცენტრი გახდა.

ჩეხეთი ჩვენი ქვეყნის ერთ-ერთი წამყვანი ინვესტორია, ისევე როგორც ნორვეგია, ინდოეთი და თურქეთი. განსაკუთრებით გამოვყოფდი ერთ-ერთ ყველაზე მსხვილ ქართულ-ჩეხურ-სლოვაკურ ერთობლივ საინვესტიციო პროექტს - Green Resorts ქობულეთში, რომელსაც ახლახანს ჩაეყარა საფუძველი", - აღნიშნა თორნიკე რიჟვაძემ თავის გამოსვლაში.

აჭარის მთავრობის თავმჯდომარემ ასევე ისაუბრა ევროკავშირთან ასოცირების შეთანხმებაზე, რომელიც ქართულ კომპანიებს სთავაზობს ევროპის ბაზრებზე ხელმისაწვდომობას. ასევე, ტურიზმის სექტორის განვითარებაზე, პერსპექტივებსა და აჭარის რეგიონის პოტენციალზე.

აღმოსავლეთ პარტნიორობა 2009 წლის 7 მაისს ევროკავშირის სამიტზე შეიქმნა, რომელიც ევროპის კომისიის, ევროკავშირის წევრი ქვეყნების და 6 აღმოსავლეთ ევროპის ქვეყნის: სომხეთის, აზერბაიჯანის, ბელორუსის, საქართველოს, მოლდოვასა და უკრაინის ერთობლივი ინიციატივაა. მისი მიზანია ევროკავშირის პოლიტიკასთან ინტეგრაცია და დაახლოება, ენერგოუსაფრთხოების გაუმჯობესება, დემოკრატიისა და კარგი მმართველობის ხელშეწყობა, ხალხთაშორისი კონტაქტები. აღმოსავლეთ პარტნიორობა ასევე ფოკუსირებას ახდენს ვიზა ლიბერალიზაციისა და ევროკავშირის და აღმოსავლეთ პარტნიორობის ქვეყნებს შორის ღრმა და ყოვლისმომცველი თავისუფალი ვაჭრობის ხელშეკრულებების შესრულებაზე.

პრაღაში გამართულ კონფერენციას ესწრებოდნენ ევროკავშირის და ჩეხეთის რესპუბლიკის მაღალი თანამდებობის პირები, აღმოსავლეთ პარტნიორობის წევრი ქვეყნების, ბიზნესის და საბანკო სექტორის წარმომადგენლები.

აჭარის მთავრობის თავმჯდომარე თორნიკე რიჟვაძე პრაღაში ყოფნისას შეხვედრებს გამართავს ჩეხეთის ტურ-ოპერატორებსა და სამოგზაურო სააგენტოების ასოციაციის (ACCKA) აღმასრულებელ დირექტორთან ქ-ნ ტერეზა პიჩკოვასთან და შეხვედრა ჩეხეთის განვითარების სააგენტოს (CzDA) დირექტორთან პაველ ფრელიხთან.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს