შუახევის მერმა ფრიდონ ფუტკარაძემ საკრებულოს თავმჯდომარე გიორგი დავითაძესთან, მოადგილეებთან ომარ ტაკიძესთან და რუსუდან შავაძესთან ერთად სოფელ წყაროთის მოსახლეობას შეხვდა. საუბრის თემას მოსახლეობის წინაშე არსებული პრობლემების მიმოხილვა, სოფლად არსებული მდგომარეობა და მიმდინარე საკითხები წარმოადგენდა.

შეხვედრაზე ფრიდონ ფუტკარაძემ სოფლის წარმომადგენლებს მუნიციპალიტეტში მიმდინარე ინფრასტრუქტურულ პროექტებზე ესაუბრა და ახლო მომავალში მათ მიერ დასახელებული პრობლემის მოგვარებაში, რომელიც სასმელი წყლის უზრუნველყოფის მიზნით წყალსადენის მშენებლობას შეეხებოდა დახმარება აღუთქვა.

ხელმძღვანელი პირის განმარტებით, მომზადდება ტექნიკური დავალება პროექტის შესყიდვასთან დაკავშირებით, რომელიც, ითვალისწინებს სოფელ წყალსაყრიდან ,, გიდელას ღელიდან“ სოფელ ჭალა-წყაროთის მოსახლეობაზე სასმელი წყლის ახალი მაგისტრალის მოწყობას.

პროექტის განხორციელების შედეგად, სასმელი წყლის პრობლემა მოუგვარდება და ისარგებლებს ორი სოფლის ჭალის და წყაროთის მოსახლეობა, სულ 175 ოჯახი, ჭალა- წყაროთის საჯარო სკოლები , ჭალა-წყაროთის ბაგა-ბაღი და სამედიცინო პუნქტები.

აქტიური მუშაობა მიმდინარეობს მუნიციპალიტეტის სოფლებში არსებული წყლის პრობლემის გადაჭრის გზებზე, მათ შორის ბრილი - ზემოხევის, გომარდული - სხეფის და სხვა სოფლების მიმართულებით.

 ასევე მიმდინარეობს სოფლებში წყლის დებეტებზე დაკვირვება - შესწავლა რესურსის რაციონალური გადანაწილების მიზნით, რათა გრძელვადიანად მოგვარდეს სოფლების სასმელი წყლით უზრუნველყოფა.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს