პარლამენტის დამოუკიდებელი დეპუტატი ეკა ბესელია პირადი ცხოვრების ამსახველი კადრების ინტერნეტ სივრცეში კიდევ ერთხელ გავრცელებას ეხმაურება. 

როგორც ბესელიამ აღნიშნა, ის სამართალდამცვავ უწყებებს ფარული კადრების გასაჯაროებასთან დაკავშირებით დამკვეთისა და ორგანიზატორის გამოსავლენად 1-თვიან ვადას აძლევს. 

მისი თქმით, როდესაც ფარული ჩანაწერების გავრცელების შემდეგ ინფორმაცია შეიტყო შსს-ს მიმართა, თუმცა დეპუტატის მტკიცებით, მათ ამის შესახებ ინფორმაცია არ ჰქონდათ.

"ჩემს მიმართ  განხორციელებული შტურმის ფონზე ისევ გააქტიურდა ეს თემა და ისევ გამოჩნდა უკანონო  ჩანაწერების გავრცელების ფაქტი. ესეც შემთხვევით ხდება? მე ვსვამ კითხვებს და მინდა ამ კითხვებზე პასუხი შინაგან საქმეთა სამინისტროს და ხელისუფლების მხრიდან. გუშინ, როდესაც მედიამ ამის თაობაზე მითხრა, შსს-ს დავუკავშირდი და მათ ვაცნობე. ინფორმაცია არ ჰქონდათ, ჩემგან გაიგეს. რატომ გაიგეს ჩემგან? ჩვენს ქვეყანაში ჩვენი მოქალაქეები დაცულები უფრო მეტად უნდა იყვნენ თუ არა ასეთი რამით. ჩემს დაცვაზე ნაკლებად შეიძლება იფიქრონ და იზრუნონ, რადგან მიჩვეული ვარ ჯერ "ნაციონალური მოძრაობის“ დროს პერსონალურ შტურმს, შურისძიებებს, არ არის აქამდე ან ვერ არის დამკვეთი ნაპოვნი. ველოდები პირველ საქმეზეც დამკვეთს და ორგანიზატორს და ამ საქმეზეც ველოდები დამკვეთს და ორგანიზატორს. თუ დაახლოებით, ერთი თვის ვადაში მე ამ კითხვებზე პასუხს ვერ მივიღებ შსს-ს და პროკურატურისგან, მე თვითონ დავარქმევ სახელს, რა ჰქვია ამ ყველაფერს“,- განაცხადა  ბესელიამ.

ავტორი: ექსპრესნიუსი,

სოციალური ქსელები

აზერბაიჯანში ჰიჯაბის აკრძალვის წინააღმდეგ საპროტესტო აქციები სპონტანურია

ირანი ჰორმუზის სრუტეში გადაადგილების შეზღუდვას გააგრძელებს, თუ ქვეყნის უფლებები დაცული არ იქნება

Eurasianet: აზერბაიჯანი და თურქეთი სკოლებში ჰიჯაბის აკრძალვის გამო ერთმანეთს დაუპირისპირდნენ

საია - პარტიების აკრძალვის მიზანი არა კონსტიტუციური წესრიგის დაცვა, არამედ პოლიტიკური კონკურენციის მოსპობა და ძალაუფლების შენარჩუნებაა