2019-03-22 09:56:42, 1436 ნახვა
სამართალი
სენაკში ყაჩაღებმა სათამაშო იარაღის გამოყენებით შოკოლადები წაიღეს
სენაკში, ჭავჭავაძის ქუჩაზე მდებარე სუპერმარკეტი ,,მაგნიტი" დააყაჩაღეს. მაღაზიის თანამშრომლის თქმით, ორმა ნიღბიანმა სავარაუდოდ, სათამაშო იარაღის გამოყენებით, ფული მოითხოვა, ხოლო როცა თანამშრომლებმა განაცხადეს, რომ სალაროში ფული არ იყო, გასვლისას მათ ორი შოკოლადი გაიყოლეს და შესასვლელი კარის შუშა ჩაამტვრიეს. - ინფორმაციას "იმედი" თვითმხილველებზე დაყრდნობით ავრცელებს.
შინაგან საქმეთა სამინისტროს ინფორმაციით, მომხდართან დაკავშირებით გამოძიება სსსკ-ის 179-ე მუხლით მიმდინარეობს, რაც ყაჩაღობას გულისხმობს.
შემთხვევის ადგილზე საგამოძიებო მოქმედებები მიმდინარეობს. მუშაობენ ექსპერტ-კრიმინალისტები.
ავტორი: ექსპრესნიუსი,
epn.ge (@expressnews.ge)
