„სოფლის მხარდაჭერის პროგრამის" ფარგლებში, სოფლის კრებები ქედის მუნიციპალიტეტში დღეს ოფიციალურად დაიწყო.

კრებები 7 ადმინისტრაციული ერთეულის 22 სოფელში პარალელურ რეჟიმში მიმდინარეობდა.

დანდალოს ადმინისტრაციული ერთეულის სამ სოფელში: მოსიაშვილებში, ბალაძეებსა და დანდალოში ჩანიშნულ კრებებს, მერის პირველ მოადგილესთან და საკრებულოს წევრებთან ერთად, აჭარის ა რ ჯანმრთელობისა და სოციალური დაცვის მინისტრის მოადგილე ზურაბ თენიეშვილი ესწრებოდა.

,,პროექტის სიკეთე იმაში მდგომარეობს, რომ მოსახლეობა თავად ირჩევს განსახორციელებელ პროექტებს. სოფლისთვის გამოყოფილი თანხით ხშირ შემთხვევაში ორი პრობლემა მაინც გვარდება. მისასალმებელია ქალების აქტიურად ჩართვა პროცესში. მეტიც, კრებებზე მათი ინიციატივები იქნა დადებითად გადაწყვეტილი", - აღნიშნა მინისტრის მოადგილემ.

მზია ბერიძე ახალგაზრდა დედაა. ოჯახი სოფლიდან მოშორებით ცხოვრობს და ხშირად საღამოობით, მცირეწლოვან შვილებს სკოლიდან- სახლამდე მისასვლელად თითქმის დაბურულ ტყეში უწევთ გავლა. მისასვლელ გზაზე გარე განათებების ქსელი რომ უნდა მოეწყოს, ქალბატონების ინიციატივაა, რასაც მთელმა სოფელმა დაუჭირა მხარი.

ქალების ინიციატივას უყარეს კენჭი ასევე, სოფელ მოსიაშვილებში და პროგრამის ფარგლებში გათვალისწინებული სოფლის ბიუჯეტით სასაფლაო შემოიღობება.

 ადგილობრივების გადაწყვეტილებით, გარე განათებების ქსელი გაფართოვდება მოსიაშვილებში და დანდალოში, ბალაძეებში კი მგზავრთა მოსაცდელი აშენდება.

შეხვედრებზე მერის პირველმა მოადგილემ როლანდ ბერიძემ აღნიშნა, რომ იდენტური პროექტის არსებობის შემთხვევაში, მაგალითად - გზების, გარე განათებების და ბიუჯეტში გაწერილი სხვა ღონისძიებების ფარგლებში, მერია თანამონაწილეობით შევა მოსახლეობის მიერ არჩეული პრიორიტეტების დასაფინასებლად.

შეხვედრაზე პროგრამის მიღმა არსებულ პრობლემებსა და მის გადაჭრის გზებზე ისაუბრეს.

,,სოფლის მხარდაჭერის პროგრამით" 7 სოფლის მთლიანი ბიუჯეტი დანდალოს ადმინისტრაციულ ერთეულში - 80 000 ლარია. მუნიციპალიტეტში პროგრამის განხორციელებისთვის გამოყოფილი თანხა კი 740 000 ლარს შეადგენს.

(NS)

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს