„რუსების ყოფნა ამ ეტაპზე საქართველოს ხელისუფლების მიერ კონტროლირებად ტერიტორიაზე არ დაფიქსირდა. გუშინდელი მათი შემოსვლა დასრულდა მათი უკან დაბრუნებით. ამისათვის მადლობა ჩვენს ხელისუფლებას“, - ამის შესახებ  ანტისაოკუპაციო მოძრაობა „ძალა ერთობაშიას“ წარმომადგენელმა დავით ქაცარავამ ჟურნალისტებს განუცხადა.

ხურვალეთში „ძალა ერთობაშია“-ს  4 წარმომადგენელი და ჟურნალისტები შეუშვეს. ისინი ტერიტორიაზე პოლიციის ავტომობილებით შევიდნენ და არსებულ ვითარებას გაეცნენ.

„სადამკვირებლო ჯგუფი ხურვალეთში, ბაღის მიმდებარე ტერიტორიაზე იმყოფებოდა, საიდანაც შეძლეს ენახათ რა ხდებოდა. რაც თვალშისაცემი და ძალიან უცნაური იყო, ორივე ბაღის ჯამური ტერიტორიის დაახლოებით, 70-80% გაწმენდილი იყო. 2 დღის წინ ეს ტერიტორია გაწმენდილი არ ყოფილა. ამ ტერიტორიის დასუფთავება გუშინ მოხდა, ვის მიერ, ეს ჩემთვის უცნობია. ჩვენი ჯგუფის იქ ყოფნის პერიოდში დაფიქსირდა ორი "პიკაპის" ყოფნა. ასევე ზედა შემოვლითი გზიდან დაფიქსირდა საინჟინრო მანქანის შემოსვლა. ეს არის იმ ფაქტების ჩამონათვალი, რაც სადამკვირებლო ჯგუფმა დააფიქსირა.  რუსების ყოფნა ამ ეტაპზე საქართველოს ხელისუფლების მიერ კონტროლირებად ტერიტორიაზე არ დაფიქსირდა. გუშინდელი მათი შემოსვლა დასრულდა მათი უკან დაბრუნებით. ამისათვის მადლობა ჩვენს ხელისუფლებას, რომელმაც ამისათვის ყველა ბერკეტი გამოიყენა და მოახერხა რუსების უკან დახევა. მე ვფიქრობ, რომ გაწმენდილი ბაღის ტერიტორია იმაზე მეტყველებს, რომ რუსები ამზადებენ ნიადაგს იმისთვის, რომ შემდეგში სწრაფად, მარტივად მოახერხონ ამ ბაღების ბორდერიზაცია, ანუ მავთულხლართებში მოაქციონ“, - აღნიშნა ქაცარავამ.

შეგახსენებთ, გუშინ სოციალურ ქსელში გავრცელდა ინფორმაცია, რომ სოფელ ხურვალეთში რუსი სამხედროები ქართული მხარის მიერ კონტროლირებად ტერიტორიაზე გადმოვიდნენ და მოსახლეობის კუთვნილ ბაღებში განთავსდნენ. ხურვალეთში მიმდინარე პროცესებთან დაკავშირებით განცხადება სახელმწიფო უსაფრთხოების სამსახურმა გაავრცელა და  ოკუპანტების ქართული მხარის კონტროლირებად ტერიტორიაზე გადმოსვლა არ დაადასტურა. სუს-მა ასევე ყველას მოუწოდა, პროვოკაციული განცხადებებისგან თავი შეეკავებინათ. ინფორმაციას ევროკავშირის სადამკვირვებლო მისიის ხელმძღვანელი ერიკ ჰოეკიც გამოხმაურა. მან აღნიშნა, რომ ახალი ბორდერიზაციის კუთხით, მოქმედებები არ შეიმჩნეოდა და არც ინციდენტი დაფიქსირებულა.

ავტორი: ,

სოციალური ქსელები

რას ურჩევს Mr. Nutrition მშობლებს ბავშვის კვებაზე - საქართველოს ბანკისა და Nutrition Academy of Georgia-ს თანამშრომლობით მშობლებისთვის შეხვედრა გაიმართება

ეპისკოპოსი გიორგი ჯამდელიანი - მივმართავ ლაშა ნაცვლიშვილს, საჯაროდ მოიხადოს ბოდიში და შენდობა ითხოვოს მეუფე იობის წინაშე

ხვიჩა კვარაცხელია - მერაბ, საბა, მადლობა და თქვენს გვერდით ვართ! კიდევ ერთხელ აჩვენეთ მსოფლიოს, რას ნიშნავს იყო ქართველი, კაცი და ადამიანი

აღსრულება დიდუბეში ცოლ-ქმრის მკვლელობაზე - გუშინაც შედგა შეხვედრა, 12 ნოემბერს დაგეგმილი იყო გამოსახლება