დღეს, შუახევის მუნიციპალიტეტის სააქტო დარბაზში შუახევის მერმა ფრიდონ ფუტკარაძემ მერიის სამსახურის თანამშრომლებთან და ადმინისტრაციული ერთეულების რწმუნებულებთან სამუშაო თათბირი გამართა.

თათბირის მუშაობაში მონაწილეობდნენ საქართველოს პარლამენტის წევრი ანზორ ბოლქვაძე, საკრებულოს თავმჯდომარე გიორგი დავითაძე და მერის მოადგილე ომარ ტაკიძე.

 შეხვედრის ძირითად თემას, აჭარის ავტონომიური რესპუბლიკის ტერიტორიაზე არსებულ მუნიციპალიტეტებში სოფლის მხარდაჭერის პროგრამის ფარგლებში დასაფინანსებელი პროექტების შერჩევის პროცედურების, კრიტერიუმების, პროგრამის მოცულობისა და სტრუქტურის გაცნობა წარმოადგენდა.

როგორც შეხვედრაზე აღინიშნა, მიმდინარე წელს მუნიციპალიტეტებში განსახორციელებელი პროექტების ფონდიდან, შუახევის მუნიციპალიტეტს 760 000 ლარამდე გამოეყოფა.

პროგრამისთვის პროექტები შეირჩევა უშუალოდ მოსახლეობის გადაწყვეტილებით დასახლებებში გამართულ საერთო კრებების სხდომებზე.

 პროგრამის ფარგლებში დასაფინანსებელი პროექტები განსაზღვრულია და მათ შორისაა - სასმელი წყლის და სარწყავი სისტემების, სანიაღვრე არხების მოწესრიგება; ნაპირსამაგრი სამუშაოები; გზების და ხიდების მოწესრიგება; გარე განათების, სკოლების მიმდებარე ტერიტორიის, კულტურის ობიექტების, სპორტულ ინფრასტრუქტურის, მოედნებისა და სკვერების მოწყობა და სხვა.

სოფლის კრებები შუახევში ხვალიდან დაიწყება და კვირის ბოლომდე გაგრძელდება.

თათბირზე ასევე განიხილეს სხვა შემხვედრი საკითხები. ყურადღება გამახვილდა სოფლებში დაგეგმილ ინფრასტრუქტურულ პროექტებზე, რწმუნებულების აქტიურ ჩართულობაზე მიმდინარე პროცესებში და ადგილობრივი მოსახლეობის წინაშე არსებულ საჭიროებებზე.

(NS)

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს