სოფლის მეურნეობის სამეცნიერო-კვლევითი ცენტრის დირექტორი, ლევან უჯმაჯურიძე რომში, გაეროს სურსათისა და სოფლის მეურნეობის ორგანიზაციის (FAO) სოფლის მეურნეობის გენეტიკური რესურსების კომისიის მე-17 რეგულარულ სესიას დაესწრო.

აღსანიშნავია, რომ ლევან უჯმაჯურიძე, 2017 წლიდან, FAO-ში საქართველოს გენეტიკური რესურსების კოორდინატორია.

სესიაზე ყურადღება სოფლის მეურნეობასა და სასურსათო უსაფრთხოებაში გენეტიკური რესურსების როლს, მათ ხელმისაწვდომობას, სარგებლიანობას და გენეტიკური რესურსების კვლევაში ციფრული ტექნოლოგიების გამოყენებას დაეთმო. ძირითადი აქცენტები ევროპის მეთესლეობის პოლიტიკის მდგომარეობასა და ტენდენციებზე, სურსათისა და სოფლის მეურნეობის მცენარეთა გენეტიკური რესურსების  მეორე გლობალური გეგმის განხორციელებაზე გაკეთდა.

საქართველო მცენარეთა გენეტიკური რესურსების კუთხით არსებულ მდგომარეობასა და  ex-situ კოლექციების შესახებ ინფორმაციას ევროპის მცენარეთა გენეტიკური რესურსების კატალოგისთვის (EURISCO) გააგზავნის.

აღსანიშნავია, რომ საქართველო გაეროს სურსათისა და სოფლის მეურნეობის ორგანიზაციის (FAO) სურსათისა და სოფლის მეურნეობის მცენარეთა გენეტიკური რესურსების მთავრობათაშორისი ტექნიკური სამუშაო ჯგუფის წევრი გახდა. ასევე, აღიდგინა გენეტიკური რესურსების ევროპის კოოპერირებული პროგრამის (ECPGR) წევრობა, რაც საშუალებას მისცემს მიმდინარე წლიდან პროგრამის ფარგლებში ჩატარებულ შეხვედრებსა და სამუშაო ჯგუფებში მონაწილეობა მიიღოს.

(NS)

ავტორი: ,

სოციალური ქსელები

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის