აჭარის ტურიზმის დეპარტამენტმა გიდებისთვის კიდევ ერთი პრაქტიკული სახელმძღვანელო დაბეჭდა.

„ღვინის მეგზური“- ასე ჰქვია წიგნს, რომელიც მეღვინეობით დაინტერესებული ადამიანებისა და გიდებისთვის სამაგიდო სახელმძღვანელოს  წარმოადგენს. წიგნში თავმოყრილია ყველა საჭირო ინფორმაცია ქართული ვაზისა და ღვინის ისტორიის, ღვინის დაყენების ტექნოლოგიის, ქართული ვაზის ჯიშების, ღვინის კანონმდებლობის, ღვინის დაგემოვნების ხელოვნებისა და კერძებთან მისი შეხამების შესახებ. წიგნში საუბარია ასევე, აჭარაში გავრცელებულ ვაზის ჯიშებსა და ღვინის მარნებზე.

„ღვინის ტურისტულ მარშრუტებზე ტურისტების რაოდენობა ყოველწლიურად იზრდება. შესაბამისად, ჩვენ გვჭირდება გიდები და საოჯახო მარნების მფლობელები, რომლებიც ყველა საჭირო ინფორმაციას ღვინისა და ქართული ვაზის შესახებ ტურისტებს სწორად მიაწოდებენ.  „ღვინის მეგზური“ ამ მიმართულებით გიდებისთვის ნამდვილად სამაგიდო წიგნია, რომელიც მათ ინფორმაციის მიღებასა და ცოდნის გაღრმავებაში დაეხმარება.  გარდა წიგნისა, ღვინის ტურიზმის შესახებ ჩვენ ასევე ჩავატარეთ ტრენინგები საოჯახო ღვინის მარნებისთვის, მიმდინარე წელს კი უკვე გიდების გადამზადებას ვგეგმავთ,“ განაცხადა აჭარის ტურიზმის დეპარტამენტის თავმჯდომარე სულხან ღლონტმა.

„ღვინის მეგზური“ მეორე პრაქტიკული სახელმძღვანელოა, რომელიც აჭარის ტურიზმის დეპარტამენტმა გიდებისთვის მოამზადა. მისი ავტორია მწერალი, ღვინის კლუბის დამაარსებელი და Wine & Spirit Education Trust-ის მე-3 დონის სერტიფიცირებული ღვინის პროფესიონალი მალხაზ ხარბედია.

(NS)

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს