აჭარის მთავრობის თავმჯდომარემ თორნიკე რიჟვაძემ  მთავრობის სხდომაზე ბათუმში  საჭადრაკო ოლიმპიადის მიმდინარეობაზე გაამახვილა ყურადღება და საერთაშორისო ასპარეზობაში მონაწილე ქალთა და  ვაჟთა საქართველოს ნაკრებებს წარმატება უსურვა.

მისი თქმით, წარმატებული და შთამბეჭდავი იყო ოლიმპიადის გახსნის ცერემონია, საჭადრაკო ოლიმპიადის ფარგლებში კი ბათუმს 4000-მდე სტუმარი ეწვია.

„ჩემთვის ძალიან სასიამოვნოა, რომ ჭადრაკის მსოფლიო ოლიმპიადა წარმატებით მიმდინარეობს. შთამბეჭდავი გახსნა იყო ბლექსი არენაზე 23 სექტემბერს და ბათუმში არაერთი საინტერესო პაექრობა ვიხილეთ. რატომ არის მნიშვნელოვანი რეგიონისთვის აღნიშნული ტიპის ღონისძიებები? პირველ რიგში ეს არის ჩვენი მთავრობის ცნობადობის ამაღლება და ასევე, ამას აქვს პრაქტიკული შედეგიც: დღეის მდგომარეობით, ბათუმში დაკავებულია თითქმის ყველა სასტუმრო ნომერი და როცა ჩვენ ვსაუბრობთ 4 სეზონიან ტურიზმზე, როცა ჩვენ ვსაუბრობთ სეზონის გაგრძელებაზე, რა თქმა უნდა, ამ ტიპის ღონისძიებები ხელს უწყობს აღნიშნული მიზნის მიღწევას“, - აღნიშნა რეგიონის ხელმძღვანელმა.

ავტორი: ,

სოციალური ქსელები

ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ

მეუფე იობი - ნიღბების ჩამოხსნის პროცესი დაიწყო, ვინ ვინ არის გამოჩნდა

საქართველო რუსეთის გვერდის ავლით სატრანსპორტო დერეფანს ავითარებს: ანაკლიის პორტამდე რკინიგზა აშენდება

Bloomberg: აშშ-ის სამხედრო კონტინგენტის შემცირება ევროპაში შესაძლოა მოსალოდნელზე ნაკლები იყოს