„ჩვენი ამოცანა უნდა იყოს, რაჭაში სულ მცირე, გავასამმაგოთ ტურისტებისა და ვიზიტორების რაოდენობა და ეს მხარე ოთხსეზონიან კურორტად ვაქციოთ“, - ამის  შესახებ საქართველოს  პრემიერ-მინისტრმა, მამუკა ბახტაძემ ამბროლაურში, ფუძეობის დღესასწაულთან დაკავშირებულ ღონისძიებაზე განაცხადა.

მთავრობის მეთაურმა ფუძეობა მიულოცა ადგილობრივებს და რაჭის ყველა სტუმარს და საზეიმო ღონისძიებაზე მოწყობილი სამეწარმეო  მარკეტი დაათვალიერა, რომელზეც სახელმწიფო პროგრამის - "აწარმოე ფარგლებში" შექმნილი პროდუქციის გამოფენა-გაყიდვა მოეწყო. 

„ძალიან სასიხარულოა რომ ამბროლაურში ძალიან კარგი შედეგები მოგვცა იმ პროგრამებმა, რომლებსაც ვახორციელებთ. მინდა, განსაკუთრებით გამოვყო "აწარმოე საქართველოში" და საოჯახო სასტუმროების განვითარება. დღეს დავათვალიერე რამდენიმე მათგანი. ძალიან დიდი მოთხოვნაა და ვფიქრობ, ამ თვალსაზრისით ძალიან დიდი პერსპექტივები გვაქვს. ჩვენი ამოცანა უნდა იყოს, რომ ამ კუთხეში მინიმუმ გავასამმაგოთ ტურისტების და ვიზიტორების რაოდენობა. შესაბამისად, მეტი გრანტია გასაცემი, რომ საოჯახო სასტუმროების მეტი  პოპულარიზაცია მოვახდინოთ. იცით, რომ გავხსენით აეროპორტი. ამასთან ერთად, ხორციელდება 21 ინფრასტრუქტურული პროექტი, 18 მათგანი წელსვე დასრულდება, მაგრამ ამასთან ერთად აუცილებელია, მეტი დინამიკა გვქონდეს სოფლის გზების მშენებლობისა და რეაბილიტაციის საქმეში. ამ თვალსაზრისითაც 2019 და 2020 წელი იქნება განსაკუთრებით მნიშვნელოვანი. ამავდროულად, ჩვენ ვაწარმოებთ სპორტული ინფრასტრუქტურის განვითარებას, ამბროლაურში შენდება რამდენიმე მოედანი. მსგავსი პროექტები საშუალებას მოგვცემს, ამბროლაური და რაჭა ოთხსეზონიან კურორტად ვაქციოთ. ეს არის დაახლოებით 10-15%იმ პოტენციალისა, რაც ამ ლამაზ კუთხეში გვაქვს. შემდეგი ეტაპი იქნება, რა თქმა უნდა, შოვის და სხვა ძალიან მნიშვნელოვანი ტურისტული ობიექტების რეაბილიტაცია-განვითარება“,  - განაცხადა პრემიერ-მინისტრმა.

მთავრობის მეთაური რეგიონის გუბერნატორ არჩილ ჯაფარიძესთან ერთად ფოლკლორული ანსამბლების კონცერტსა და ქართული საბრძოლო ხელოვნების წარმოდგენასაც დაესწრო.

ავტორი: ,

სოციალური ქსელები

ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ

მეუფე იობი - ნიღბების ჩამოხსნის პროცესი დაიწყო, ვინ ვინ არის გამოჩნდა

საქართველო რუსეთის გვერდის ავლით სატრანსპორტო დერეფანს ავითარებს: ანაკლიის პორტამდე რკინიგზა აშენდება

Bloomberg: აშშ-ის სამხედრო კონტინგენტის შემცირება ევროპაში შესაძლოა მოსალოდნელზე ნაკლები იყოს