დღესვე, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე შუახევის მუნიციპალიტეტის სოფელ ბუთურაულს ესტუმრა, სადაც მთავრობის სხვა წარმომადგენლებთან ერთად, რუსეთ-საქართველოს ომში დაღუპული გმირის იაგო მიქელაძის ხსოვნას მიაგო პატივი და დაღუპულის ოჯახის წევრებს შეხვდა.

 "პირველ რიგში მინდა განსაკუთრებით დიდი პატივისცემით ქედი მოვიხარო ჩვენი გმირების, ჩვენი ვაჟკაცების წინაშე. ჩვენი რეგიონიდან 19 ჯარისკაცი დაიღუპა 2008 წელს და ეს ტკივილი რა თქმა უნდა გრძელდება. დღეს პატივს მივაგებთ შუახევიდან დაღუპულ ჩვენს გმირებს. მოვინახულეთ იაგო მიქელაძის  ოჯახი. ეს არის მათი თავგანწირვა და თავდადება ჩვენი ქვეყნის წინაშე. ეს თავდადება უკვალოდ არ ჩაივლის. როგორც ჩვენი, ისე მომავალი თაობა გააგრძელებს ჩვენი ქვეყნის უკეთესი მომავლისთვის, თავისუფლების და ერთიანი მომავლისთვის ბრძოლას." - განაცხადა თორნიკე რიჟვაძემ.

 1976 წელს დაბადებული იაგო მიქელაძე სოფელ ბუთურაულის მკვიდრი იყო და სახედრო სამსახურს ქართულ ჯარში გადიოდა. იგი 8 აგვისტოს ცხინვალის მისადგომებთან დაიჭრა და მოგვიანებით გარდაიცვალა. ომში დაღუპული გმირი მშობლიურ სოფელშია დაკრძალული. იგი დაჯილდოვებულია ვახტანგ გორგასლის სახელობის მეორე ხარისხის ორდენით.

 აჭარის მთავრობის თავმჯდომარე, მთავრობის წევრები და შუახევის მუნიციპალიტეტის ხელმძღვანელი პირები რუსეთ-საქათველოს ომში შუახევიდან დაღუპული გმირებისთვის შექმნილ მემორიალს ესტუმრნენ და ქვეყნის ტერიტორიული მთლიანობისთვის თავგანწირული გმირები კიდევ ერთხელ გაიხსენეს.

ავტორი: ,

სოციალური ქსელები

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს

სამხარაძე ირანის ელჩს- დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს

გაეროს კომიტეტმა საქართველოს აუკრძალა ტიმოფეევის რუსეთში ექსტრადიცია