დღეს აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე ხულოს მუნიციპალიტეტში მიმდინარე ინფრასტრუქტურულ სამუშაოებს დაათვალიერებს.

მთავრობის თავმჯდომარე კურორტ „გოდერძიზე" სასტუმრო-კომპლექსების მიმდინარე სამშენებლო პროცესს გაეცნობა და შეხვედრებს გამართავს კურორტით დაინტერესებულ ინვესტორებთან.

აჭარის მთავრობის თავმჯდომარე მაღალმთიანი აჭარის ტურისტულად ერთ-ერთი მიმზიდველი ადგილის - მწვანე ტბის მიმდებარედ არსებულ გზის სარეაბილიტაციო სამუშაოებს გაეცნობა.

ამ ეტაპზე გოდერძის უღელტეხილი-მწვანე ტბის მონაკვეთზე ბეტონის საფარის მოწყობის სამუშაოები მიმდინარეობს. ორი ლითონის ხიდის მშენებლობა დასასრულს უახლოვდება.

თორნიკე რიჟვაძე ბეშუმის გზის სარეაბილიტაციო სამუშაოებსაც დაათვალიერებს. შიდასახელმწიფოებრივი მნიშვნელობის გოდერძის უღელტეხილი-ბეშუმის საავტომობილო გზის რეაბილიტაციის პროექტის ფარგლებში ამჟამად გზის საფუძვლის, მილების  და  კიუვეტების მოწყობის სამუშაოები მიმდინარეობს. აღნიშნული გზა წარმოადგენს საკურორტო სოფელ ბეშუმთან დამაკავშირებელ გზას, რომლის საშუალებითაც ხორციელდება  ტურისტების გადაადგილება, ასევე სატვირთო და სამგზავრო გადაზიდვები.

თორნიკე რიჟვაძე ასევე ეწვევა ალპურ ბოტანიკურ ბაღს. გოდერძის ალპური ბოტანიკური ბაღის მშენებლობა ინტენსიურ რეჟიმში მიმდინარეობს. ტერიტორიაზე დაწყებულია სამარშრუტე გზებისა და ბილიკების მოწყობა. დასრულდა  ბაღის ადმინისტრაციული შენობის და ფუტკრის სახლის მშენებლობა.

(NS)

ავტორი: ,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს