აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე ძალოსნობაში ოქროსა და ვერცხლის პრიზიორებს მთავრობის ადმინისტრაციაში შეხვდა და საერთაშორისო ასპარეზზე მიღწეული წარმატებები მიულოცა.

მილანში გამართულ 17-წლამდელთა ევროპირველობაზე ქართველმა ძალოსნებმა მორიგი წარმატება მოიპოვეს. ევროპის ჩემპიონატზე 69 კგ. წონით კატეგორიაში მოასპარეზე არჩილ მალაყმაძემ 1 ოქრო და 2 ვერცხლი მოიპოვა. წარმატებულად იასპარეზა ასევე აჭარის მკვიდრმა ლომია თებიძემ, რომელმაც 77 კგ. წონით კატეგორიაში 3 ვერცხლის მედალი დაიმსახურა.

 აჭარის ავტონომიური რესპუბლიკის განათლების, კულტურისა და სპორტის სამინისტროს მხარდაჭერით, გამარჯვებულებს და მათ მწვრთნელებს ფულადი ჯილდოები გადაეცემათ. აჭარის ა.რ. მთავრობის თავმჯდომარემ ახალგაზრდა ძალოსნებს წარამტებები უსურვა და მხარდაჭერა აღუთქვა.

„სახელმწიფო, კერძოდ, აჭარის ავტონომიური რესპუბლიკის მთავრობა გეგმავს აქტიურად შეუწყოს ხელი ძალოსნობის განვითარებას. ამ კუთხით, ძალიან მალე, ჩაქვში ახალი ინფრასტრუქტურის მოწყობა იგეგმება, დაჯილდოვდებიან როგორც ახალგაზრდა სპორტსმენები, ისე მწვრთნელები და ეს ერთგვარი მოტივაცია იქნება მათი შემდგომი წარმატებებისთვის", - აღნიშნა თორნიკე რიჟვაძემ.

(NS)

ავტორი: ,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს