პოლიფარმაციის მართვის საკითხებზე სოციალური მოსახურების სააგენტოს აჭარის ფილიალის ორგანიზებითა და აჭარის ჯანდაცვის სამინისტროს მხარდაჭერით პირველადი ჯანდაცვის რგოლის ექიმებისათვის საინფორმაციო შეხვედრა გაიმართა.

შეხვედრაზე მოხსენება კლინიკური ფარმაკოლოგიისა და რაციონალური ფარმაკოთერაპიის ხელშეწყობის კავშირის თავმჯდომარემ პედიატრმა, მედიცინის მეცნიერებათა დოქტორმა, კლინიკო-ფარმაკოლოგმა, რუსუდან ჯაშმა წარადგინა. შეხვედრა აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ გახსნა. საქართველოს ჯანდაცვის სამინისტროს გადაწყვეტილებით, პოლიფარმაციის მართვის მიზნით 2018 წლის 16 ივლისიდან მოქმედებს ექიმის დანიშნულების გადამოწმების ახალი ინსტრუმენტი.

თუ პაციენტს სურვილი აქვს ექიმის დანიშნულება გადაამოწმოს და ის ელექტონული რეცეპტია უნდა გაგზავნოს მისამართზე: http://eprescription.moh.gov.ge/login.php, თუ რეცეპტი არ არის გამოწერილი ელექტრონულ ფორმატში, დანიშნულების ფურცელი უნდა წარადგინოს სსიპ სოციალური მომსახურების სააგენტოს ნებისმიერ რაიონულ ფილიალში, სადაც ოპერატორი დოკუმენტს ელექტრონულად ატვირთავს ჯანდაცვის სამინისტროს დოკუმენტბრუნვის სისტემაში და თქვენი დანიშნულების ფურცელი ამ გზით გადაიგზავნება პოლიფარამციის შემსწავლელ სამუშაო ჯგუფთან.

პაციენტების მიერ გადამოწმების მიზნით გაგზავნილ დანიშნულებებს შეისწავლის სამინისტროში შექმნილი პოლიფარმაციის საკითხების შემსწავლელი სამუშაო ჯგუფი. სამუშაო ჯგუფის მიერ გადამოწმდება დანიშნულება, რომელიც მოიცავს ხუთ და მეტ მედიკამენტს. ამასთან, აღნიშნული დანიშნულებით მკურნალობა ან უნდა მიმდინარეობდეს, ან არ უნდა იყოს დაწყებული (დანიშნულების მატერიალური ფორმის არსებობისას ინფორმაცია უნდა მიუთითოთ თავად დანიშნულების ფურცელზე, ხოლო ელექტრონული რეცეპტის შემთხვევაში -სისტემაში უნდა აირჩიოთ მკურნალობის სათანადო სტატუსი-მკურნალობა მიმდინარეობს/არ არის დაწყებული). ამავდროულად, მატერიალური ფორმით წარმოდგენილი „დანიშნულების ფურცლის“ შემთხვევაში, ის უნდა იყოს წაკითხვადი, ტექნიკური ხარვეზების გარეშე. პოლიფარმაციის მართვის საკითხებთან დაკავშირებით დამატებითი ინფორმაცია და გადამოწმების ინსტრუქცია იხილეთ: http://moh.gov.ge/ka/687/

(NS)

ავტორი: ,

სოციალური ქსელები

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს

ქადაგიშვილი- ირანის ელჩმა კეთილი ინებოს და თავისი კომპეტენციის ფარგლებში თავისი ფუნქციის აღსრულება მოახდინოს

სამხარაძე ირანის ელჩს- დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს

გაეროს კომიტეტმა საქართველოს აუკრძალა ტიმოფეევის რუსეთში ექსტრადიცია