საქართველოს პრემიერ-მინისტრის გიორგი კვირიკაშვილის განცხადებით, ის ადამიანები, რომლებსაც საკადრო ცვლილებები შეეხოთ, გუნდში რჩებიან.

ამასთან, პრემიერმა მათ  გაწეული სამსახურისთვის მადლობა გადაუხადა და ცვლილებების არსი განმარტა:

„ჩვენი გუნდის თითოეულ წევრს, რომელსაც აღნიშნული ცვლილებები შეეხო და რომლებიც ბუნებრივია ჩვენი გუნდის წევრებად რჩებიან, დიდ მადლობას ვუხდი გაწეული საქმიანობისთვის. რაც შეეხება სტრუქტურული და საკადრო ცვლილებების არსს,   ჩვენი ყველა საარჩევნო დაპირება და რეფორმა ემსახურებოდა და ემსახურება ჩვენი მოსახლეობის კეთილდღეობის უზრუნველყოფას და სწრაფ განვითარებას. ჩვენ განვახორციელეთ არაერთი სისტემური ცვლილება, შსს-ს,  პროკურატურის,  სასამართლოს, სისხლის სამართლის კოდექსის რეფორმების მთავარი ორიენტირი ყოველთვის იყო და არის ადამიანი, ყველა ამ ცვლილებამ შედეგად გამოიღო ადამიანთა უფლებების მიმართულებით მიღწეული უდიდესი პროგრესი, ასევე ადამიანზე ორიენტირებული გავახადეთ ჯანდაცვა, სოფლის მეურნეობა, ეკონომიკის მიმართულებით განხორციელებული მრავალი  სახელმწიფო პროგრამა რიგით ადამიანებს ახალ შესაძლებლობას აძლევს. ამავდროულად ჩვენი ხელწერაა, რომ ცვლილებები მაქსიმალურად უმტკივნეულოდ განვახორციელოთ“,-განაცხადა პრემიერმა და დასძინა, რომ  ცვლილებები მოქნილი სახელმწიფო აპარატის ჩამოყალიბებას ემსახურება.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს